بشریٰ بی بی کے سابق شوہرخاورمانیکا نے دوسری شادی کرلی

ویب ڈیسک  ہفتہ 11 اگست 2018
میاں خاور مانیکا کی شادی کی تقریب لاہور میں منعقد ہوئی فوٹو: سوشل میڈیا

میاں خاور مانیکا کی شادی کی تقریب لاہور میں منعقد ہوئی فوٹو: سوشل میڈیا

لاہور: تحریک انصاف کے چیئرمین عمران خان کی اہلیہ بشریٰ بی بی کے سابق شوہرخاور فرید مانیکا نے دوسری شادی کرلی۔

ایکسپریس نیوزکے مطابق پی ٹی آئی چیئرمین عمران خان کی تیسری اہلیہ اوربہت جلد پاکستان کی خاتون اول کا اعزاز حاصل کرنے والی بشریٰ بی بی کے سابق شوہرخاورمانیکا نے سمیرا آغا نامی 40 سالہ خاتون سے دوسری شادی کرلی۔

خاورمانیکا کے قریبی ساتھی لطیف خان نے ان کی دوسری شادی کی تصدیق کرتے ہوئے کہا کہ خاورمانیکا کی شادی لاہور میں انجام پائی جس میں ان کے دوستوں، قریبی رشتہ داروں اوران کے بچوں نے شرکت کی۔ خاورمانیکا بشریٰ بی بی کے سابق شوہر ہیں ان دونوں کی طلاق کے بعد عمران خان نے 6 ماہ قبل بشریٰ بی بی سے شادی کی تھی۔

واضح رہے کہ بشریٰ بی بی عمران خان کی تیسری بیوی ہیں، اس سے قبل عمران خان نے جمائما گولڈ اسمتھ سے پہلی شادی کی تھی جس سے ان کے دوبیٹے قاسم اورسلیمان ہیں جب کہ دوسری شادی ریحام خان سے کی تھی تاہم یہ شادی صرف 10 ماہ ہی چل سکی بعد ازاں دونوں کے دمیان علیحدگی ہوگئی۔



ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔