اصغر خان کیس سماعت کیلئے مقرر، سپریم کورٹ کا بینچ تشکیل

ویب ڈیسک  ہفتہ 11 اگست 2018
کیس کی سماعت 15 اگست کو مقرر کی گئی ہے ؛ :فوٹو:فائل

کیس کی سماعت 15 اگست کو مقرر کی گئی ہے ؛ :فوٹو:فائل

 اسلام آباد: چیف جسٹس پاکستان میاں ثاقب نثار نے اصغرخان کیس کو سماعت کے لئے مقرر کرتے ہوئے بینچ تشکیل دے دیا اور ڈی جی ایف آئی اے کو نوٹس جاری کردیا۔

ایکسپریس نیوزکے مطابق چیف جسٹس پاکستان میاں ثاقب نثار اصغر خان کیس کی سماعت کے لئے بینچ تشکیل دے دیا ہے۔ بینچ میں جسٹس عمر عطابندیال اور جسٹس اعجازالحسن شامل ہیں جبکہ بینچ کی سربراہی خود چیف جسٹس پاکستان ثاقب نثار کریں گے۔

چیف جسٹس نے اصغر خان کیس کے تمام فریقین،  ڈی جی ایف آئی اے اور اٹارنی جنرل کو نوٹسز جاری کرتے ہوئے سماعت 15 اگست کو مقرر کردی ہے۔

اس خبرکوبھی پڑھیں: اسلم بیگ اور اسد درانی کی نظر ثانی درخواستیں مسترد

واضح رہے کہ مئی 2018 میں سپریم کورٹ نے اصغر خان عملدرآمد کیس میں سابق آرمی چیف اسلم بیگ اور سابق ڈی جی آئی ایس آئی اسد درانی کی نظر ثانی درخواستیں مسترد کردی تھیں۔ عدالت نے 1990 کے انتخابات میں دھاندلی کے ذمہ دار اعلیٰ سابق فوجی افسران کے خلاف کارروائی کا حکم بھی دیا تھا۔



ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔