پاکستان نژاد مہرین فاروقی آسٹریلوی سینیٹ کی رکن منتخب

ڈاکٹر مہرین اس سے قبل نیو ساؤتھ ویلز پارلیمنٹ کی رکن بھی رہ چکی ہیں

ویب ڈیسک بدھ 15 اگست 2018

ڈاکٹر مہرین اس سے قبل نیو ساؤتھ ویلز پارلیمنٹ کی رکن بھی رہ چکی ہیں،فوٹو: ٹوئٹر

میلبرن: پاکستانی نژاد مہرین فاروقی آسٹریلوی سینیٹ کی پہلی مسلم رکن منتخب ہوگئیں۔

بین الاقوامی میڈیا رپورٹس کے مطابق پاکستان میں پیدا ہونے والی مہرین فاروقی آسٹریلوی سینیٹر بننے والی پہلی مسلم خاتون ہیں، وہ اس سے قبل نیوساؤتھ ویلزپارلیمنٹ کی رکن بھی رہ چکی ہیں۔

ڈاکٹرمہرین 1992 میں فیملی کے ہمراہ پاکستان سے آسٹریلیا منتقل ہوئیں جہاں انہوں نے اعلیٰ تعلیم حاصل کرنے کے بعد سیاست میں قدم رکھا،اپنے شاندار تعلیمی کیریئر میں انہوں نے انوائرمینٹل انجینئرنگ میں ڈاکٹریٹ کیا۔

سینیٹر بننے پر ڈاکٹر مہرین نے ٹوئٹ میں کہا کہ ’نیوجاب‘ ۔۔ چلو اب کام پرچلتے ہیں۔