اکشے کمار نے جان ابراہم کو پیچھے چھوڑدیا

ممبئی: بالی ووڈ کے ایکشن ہیرو اکشے کمار نے اداکار جان ابراہم کو باکس آفس پر مات دے دی۔ 

گزشتہ کئی روز سے اکشے کمار کی فلم ’’گولڈ‘‘اور جان ابراہم کی فلم’’ستیہ میو جیتے‘‘ کے چرچے بھارتی میڈیا پر جاری تھے کیوں کہ دونوں فلمیں بھارت کی یوم آزادی کے موقع پر ریلیز ہونی تھیں تاہم اکشے کمار نے پہلے روز ہی جان ابراہم کو باکس آٖفس پر شکست دیدی۔

میڈیا رپورٹس کے مطابق اکشے کمار اور مونی رائے کی فلم ’’گولڈ‘‘ نے ریلیز کے پہلے روز 25 کروڑ 25 لاکھ کمانے میں کامیاب رہی۔

#Gold has an EXTRAORDINARY Day 1… Takes a FAB START at plexes across major centres… Wed ₹ 25.25 cr. India biz.

— taran adarsh (@taran_adarsh) August 16, 2018

بھارتی تجزیہ نگار ترن آداش کے مطابق جان ابراہم کی فلم ’’ستیہ میوجیتے‘‘ نے اکشے کمار کی فلم کا بھرپور مقابلہ کیا۔ فلم’’ستیہ میو جیتے‘‘ باکس آفس پر20 کروڑ52 لاکھ کمانے میں کامیاب رہی لیکن باکس آفس بزنس کے اعتبار سے اکشے کمار نے جان ابراہم کو پیچھے چھوڑتے ہوئے میدان مارلیا۔

#SatyamevaJayate springs a BIG SURPRISE… Plexes are good, but single screens are ROCKING… Wed ₹ 20.52 cr. India biz.

— taran adarsh (@taran_adarsh) August 16, 2018

واضح رہے کہ اکشے کمار فلم ’’گولڈ‘‘میں ایک ہاکی کوچ کا کردار نبھارہے ہیں جو ناکام ٹیم کو اکھٹا کرکے گولڈ میڈل حاصل کرنے میں کامیاب ہوجاتے ہیں جب کہ فلم ’’ستیہ میو جیتے‘‘میں جان ابراہم نے سیریل کلر کا کردار نبھایاہے۔