جشن آزادی پو منچلوں کی ہوائی فائرنگ، 4بچوں سمیت12زخمی

حیدرآباد: حیدرآباد میں جشن آزادی کی شب منچلے نوجوانوں کی جانب سے خوشی میں کی گئی ہوائی فائرنگ کے نتیجے میں4 بچوں سمیت 12 افراد زخمی ہو گئے۔

ہوائی فائرنگ کے نتیجے میں مکی شاہ کے علاقے میں ثوبیہ اقبال، حالی روڈ میں 14 سالہ حسن، تھانہ سخی پیر کے علاقے میں 13 سالہ کنزا عارف اور افشاں زوجہ ولی محمد، تھانہ پنیاری کے علاقے میں فاطمہ بنت لقمان، تھانہ مارکیٹ کے علاقے میں اسماء بنت نظام اور دعا بنت شاہد، تھانہ پھلیلی کے علاقے میں فرحان ولد محمد حسن، امریکن کالونی میں نادر، لطیف آباد نمبر 8 میں نوجوان یاسین عباسی، لطیف آباد نمبر12 کینٹ کالونی میں محمد حسین اور کھاتہ چوک میں 7 سالہ بچہ احمر کمر میںگولی لگنے سے شدید زخمی ہو گیا۔

تمام افراد اپنے گھروں کی چھتوں پر سوئے ہوئے تھے کہ نامعلوم سمت سے آنے والی گولیاں لگنے سے زخمی ہوگئے، زخمیوںکو طبی امداد کے لیے سول اسپتال لایا گیا۔