- ڈکیتی کے ملزمان سے رشوت لینے کا معاملہ؛ ایس ایچ او، چوکی انچارج گرفتار
- کراچی؛ ڈاکو دکاندار سے ایک کروڑ روپے نقد اور موبائل فونز چھین کر فرار
- پنجاب پولیس کا امریکا میں مقیم شہباز گِل کیخلاف کارروائی کا فیصلہ
- سنہری درانتی سے گندم کی فصل کی کٹائی؛ مریم نواز پر کڑی تنقید
- نیویارک ٹائمز کی اپنے صحافیوں کو الفاظ ’نسل کشی‘،’فلسطین‘ استعمال نہ کرنے کی ہدایت
- پنجاب کے مختلف شہروں میں ضمنی انتخابات؛ دفعہ 144 کا نفاذ
- آرمی چیف سے ترکیہ کے چیف آف جنرل اسٹاف کی ملاقات، دفاعی تعاون پر تبادلہ خیال
- مینڈھے کی ٹکر سے معمر میاں بیوی ہلاک
- جسٹس اشتیاق ابراہیم چیف جسٹس پشاور ہائی کورٹ تعینات
- فلاح جناح کی اسلام آباد سے مسقط کیلئے پرواز کا آغاز 10 مئی کو ہوگا
- برف پگھلنا شروع؛ امریکی وزیر خارجہ 4 روزہ دورے پر چین جائیں گے
- کاہنہ ہسپتال کے باہر نرس پر چھری سے حملہ
- پاکستان اور نیوزی لینڈ کا پہلا ٹی ٹوئنٹی بارش کی نذر ہوگیا
- نو منتخب امیر جماعت اسلامی حافظ نعیم نے اپنے عہدے کا حلف اٹھا لیا
- تعصبات کے باوجود بالی وڈ میں باصلاحیت فنکار کو کام ملتا ہے، ودیا بالن
- اقوام متحدہ میں فلسطین کی مستقل رکنیت؛ امریکا ووٹنگ رکوانے کیلیے سرگرم
- راولپنڈی میں گردوں کی غیر قانونی پیوندکاری میں ملوث گینگ کا سرغنہ گرفتار
- درخشاں تھانے میں ملزم کی ہلاکت؛ انکوائری رپورٹ میں سابق ایس پی کلفٹن قصور وار قرار
- شبلی فراز سینیٹ میں قائد حزب اختلاف نامزد
- جامعہ کراچی ایرانی صدر کو پی ایچ ڈی کی اعزازی سند دے گی
چیئرمین پی سی بی نجم سیٹھی نے استعفیٰ دے دیا
لاہور: پاکستان کرکٹ بورڈ کے چیئرمین نجم سیٹھی نے عہدے سے استعفیٰ دے دیا جب کہ مسلم لیگ (ن) کے رہنما مفتاح اسماعیل کو بھی گورننگ بورڈ سے فارغ کر دیا گیا ہے۔
سماجی رابطے کی ویب سائٹ پر اپنا استعفیٰ پوسٹ کرتے ہوئے نجم سیٹھی نے لکھا کہ سابق وزیراعظم نواز شریف نے چیئرمین نامزد کیا تھا اور گورننگ بورڈ کے اراکین نے متفقہ طور پر چیئرمین منتخب کیا، استعفیٰ دینے کے لئے وزیراعظم کی حلف برداری کا انتظار کر رہا تھا اب رضاکارانہ طور پر استعفیٰ وزیر اعظم عمران خان کو بھجوا دیا ہے۔
Chairman PCB Najam Sethi’s resignation @najamsethi pic.twitter.com/Tz469QrMC5
— PCB Official (@TheRealPCB) 20 August 2018
یہ بھی پڑھیں :چیئرمین پی سی بی کا ہما احسان مانی کے سر بیٹھنے کا امکان روشن
نجم سیٹھی نے پاکستان کرکٹ ٹیم اور بورڈ کے مستقبل کے لئے نیک خواہشات کا اظہارکرتے ہوئے کہا کہ میری نیک تمنائیں پی سی بی اور قومی کرکٹ ٹیم کے ساتھ ہیں۔ انہوں نے اپنے ٹوئٹ کے آخر میں عید کی مبارک باد دیتے ہوئے ’’پاکستان زندہ باد‘‘ بھی لکھا۔
I was waiting for the new Prime Minister to take oath before submitting my resignation as PCB Chairman, which I have done today. I wish PCB all the best and hope our cricket team goes from strength to strength. Eid Mubarak. Pakistan Zindabad. pic.twitter.com/uiIVoiRAtq
— Najam Sethi (@najamsethi) August 20, 2018
عمران خان لیجنڈ کرکٹر ہیں انہیں فری ہینڈ ملنا چاہیے
نجم سیٹھی نے کہا کہ عمران خان کرکٹ کے لیجنڈ ہیں ان کا ایک ویژن ہے انہیں کرکٹ میں فری ہینڈ ملنا چاہیے کہ وہ اپنے ویژن پر کس طرح عمل درآمد کرنا چاہتے ہیں اور کون سی ٹیم بنانا چاہتے ہیں یہ ان کا حق ہے اور اس میں کرکٹ کی بہتری ہے۔
نئی کرکٹ مینجمنٹ کو درپیش چیلنجز
سابق چیئرمین نے کہا کہ میں نئی مینجمنٹ ٹیم کو بتانا چاہوں گا کہ پی ایس ایل کو پاکستان لانا ایک چیلنج ہے، انٹرنیشنل کمپنی سے پی ایس ایل کی ایویلیوشن کرائی ہے اور جو ویلیو آئی ہے اس کے لیے پاکستان میں 8 تا 12 میچز ہونا ضروری ہیں، اس ضمن میں نیشنل اسٹیڈیم تیار کرنا ہے چاہوں گا کہ اگلی ٹیم مینجمنٹ اس طرف ضرور توجہ دے۔
یقین ہے بھارت کے خلاف مقدمہ ضرور جیتیں گے
میچ فکسنگ کے حوالے سے انہوں نے کہا کہ پی سی بی کا اینٹی کرپشن یونٹ کرپشن کے خلاف بھرپور کام کررہا ہے اس میں کوئی کمی آئی تو پی ایس ایل پر داغ لگنے سے بہت نقصان ہوگا۔ انہوں نے کہا کہ ہم نے بی سی سی آئی پر کرکٹ کھیلنے کے معاہدے پر عمل درآمد نہ کرنے کا مقدمہ دائر کیا ہوا ہے میں اپنا بیان ریکارڈ کرانے ضرور آؤں گا اور یقین ہے کہ ہم یہ مقدمہ جیتیں گے۔
امید ہے نئی مینجمنٹ کرکٹ میں بہتری لائے گی
نجم سیٹھی نے مزید کہا کہ ایشیا کپ کے بعد آسٹریلیا، نیوزی لینڈ اور ساؤتھ افریقا سے کرکٹ کھیلنی ہے اس کے بعد پی ایس ایل اور پھر ورلڈ کپ کی تیاری ہے امید ہے نئی مینجمنٹ اس طرف توجہ دے کر کرکٹ میں بہتری لائے گی۔
واضح رہے کہ پاکستان تحریک انصاف کی عام انتخابات میں کامیابی کے بعد خبریں گردش میں تھیں کہ نجم سیٹھی کو عہدے سے ہٹا دیا جائے گا جب کہ نجم سیٹھی اس حوالے سے خاموش تھے تاہم اب وزیر اعظم عمران خان کے عہدہ سنبھالنے اور پی سی بی کے پیٹرن ان چیف بننے کے بعد انہوں نے استعفیٰ کا اعلان کر دیا ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔