وزیراعظم عمران خان عیدالاضحیٰ اسلام آباد میں منائیں گے

ویب ڈیسک  منگل 21 اگست 2018
عمران خان عید الاضحٰی پر بنی گالا جا کر سنت ابراہیمی ادا کریں گے، ذرائع فوٹو: فائل

عمران خان عید الاضحٰی پر بنی گالا جا کر سنت ابراہیمی ادا کریں گے، ذرائع فوٹو: فائل

 اسلام آباد: وزیراعظم عمران خان عید الاضحیٰ اسلام آباد جب کہ صدر مملکت ممنون حسین کراچی میں منائیں گے۔

ایکسپریس نیوز کے مطابق وزیراعظم عمران خان عیدالاضحیٰ کا تہوار اسلام آباد جب کہ وفاقی کابینہ کے اراکین اپنے آبائی علاقوں میں منائیں گے۔ وزیراعظم قربانی کا فریضہ بنی گالہ میں ادا کریں گے۔

ذرائع کا کہنا ہے کہ عید کی چھٹیوں کے دوران عمران خان پنجاب اور خیبر پختونخوا کی کابینہ کے متعلق مشاورت بھی کریں گے۔ عید کے بعد عمران خان پارلیمانی بورڈ کا اجلاس طلب کریں گے جس میں ضمنی انتخابات کے لئے امیدواروں میں ٹکٹوں کی تقسیم سے متعلق فیصلے کئے جائیں گے۔ اس کے علاوہ 24 اگست کو وفاقی کابینہ کا بھی اجلاس ہوگا۔ دوسری جانب صدر مملکت ممنون حسین کراچی میں عید منائیں گے۔

 

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔