قوم اور فوج نے متحد ہوکر دہشتگردی کو شکست دی، آرمی چیف

 راولپنڈی: آرمی چیف جنرل قمر جاوید باجوہ کا کہنا ہے کہ قوم اور مسلح افواج نے بہادری سے دہشت گردی کا مقابلہ کیا اور دہشت گردی کو شکست دی۔

پاک فوج کے شعبہ تعلقات عامہ (آئی ایس پی آر) کی جانب سے جاری بیان کے مطابق آرمی چیف جنرل قمرجاوید باجوہ نے دہشت گردی سے متاثر ہونے والوں کو خراج تحسین پیش کرتے ہوئے کہا کہ دہشت گردی عالمی مسئلہ ہے جس سے ملکر لڑنا ہوگا، پاکستان گزشتہ 2 دہائیوں سے دہشت گردی کے ناسور کا شکار رہا ہے۔

اس خبر کو بھی پڑھیں : ریاستی دہشتگردی و انتہا پسندی کو جڑ سے اکھاڑنےکیلیے پرعزم ہیں

آرمی چیف نے کہا کہ قوم اور مسلح افواج نے بہادری اور کامیابی سے دہشت گردی کا مقابلہ کیا، پاکستانی قوم اور فوج نے متحد ہوکر دہشت گردی کو شکست دی۔ ان کا کہنا تھا کہ دہشت گردی کے خلاف جانیں دینے والے شہدا کے اہل خانہ کو سلام پیش کرتے ہیں اور ملک دشمن عناصر کو ہرصورت شکست دیکر دم لیں گے۔

COAS pays tribute to victims of terrorism on ‘International Day of Remembrance of and Tribute to the Victims of Terrorism’. “We strongly condemn terrorism in all its manifestations and extend full support to all the forces of order and peace to bring enduring peace”, COAS. pic.twitter.com/ma1vcydmwS

— Maj Gen Asif Ghafoor (@OfficialDGISPR) August 21, 2018

آرمی چیف جنرل قمر جاوید باجوہ کا کہنا تھا کہ پاکستان دیرپا امن اور سلامتی کے لیے تمام قوتوں کی حمایت کرتا ہے، ہم ملک کو اندھیروں میں جھونکنے کی کوشش کرنے والوں کے خلاف لڑیں گے۔