چینی وزیر اعظم کی آمد:دھماکے کا پیغام نشر ہوتے ہی کھلبلی مچ گئی

صالح مغل  جمعرات 23 مئ 2013
سب انسپکٹرنے غلطی سے   توپوں کی سلامی کو دھماکہ سمجھ کر  ٹریفک کنڑول کوبتایا فوٹو وکی پیڈیا

سب انسپکٹرنے غلطی سے توپوں کی سلامی کو دھماکہ سمجھ کر ٹریفک کنڑول کوبتایا فوٹو وکی پیڈیا

راولپنڈی: راولپنڈی میں چینی وزیراعظم کی آمداورن لیگ کے سربراہ نواز شریف کی بینظیر ائیرپورٹ سے اسلام آباد کیلئے روانگی کے موقع پر پولیس ایمرجنسی کے ذریعے کرال چوک کے قریب دھماکے کاپیغام نشرہوتے ہی سکیورٹی اداروں اور پولیس حکام میں کھلبلی مچ گئی۔

ذرائع کے مطابق راولپنڈی پولیس کے ایمرجنسی کنٹرول سے پیغام نشر کیاگیاکرال چوک کے قریب دھماکا کی آوازسنی گئی ہے اطلاع ملتے ہی سکیورٹی  حکام نے فوری نواز شریف کے قافلے کولہلیال چوک کے قریب رکواکرسکیورٹی حصارمیں لے لیا گیا چند منٹ بعد ہی نواز شریف کے قافلے کوبھی کلیئرنس دیگی اورنوازشریف اسی راستے سے اسلام آبادروانہ ہوئے۔

راولپنڈی پولیس کے سینئرحکام نے وائرلیس پیغام کے حوالے سے تحقیقات شروع کیں تو ابتدائی طورپریہ بات سامنے آئی کہ سٹی ٹریفک پولیس کے سب انسپکٹرنے غلطی سے   توپوں کی سلامی کو دھماکہ سمجھ کر  ٹریفک کنڑول کوبتایاگیاکہ کرال چوک کے قریب دھماکہ سناگیاہے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔