کوئٹہ: بھوسہ منڈی کے قریب دھماکا، 12 اہلکار جاں بحق، 20 زخمی

ویب ڈیسک  جمعرات 23 مئ 2013
دھماکے میں 100 کلو گرام بارودی مواد استعمال کیا گیا، پولیس  فوٹو: پی پی آئی

دھماکے میں 100 کلو گرام بارودی مواد استعمال کیا گیا، پولیس فوٹو: پی پی آئی

کوئٹہ: مشرقی بائی پاس پر بھوسہ منڈی کے قریب دھماکے کے نتیجے میں 12 اہلکار جاں بحق جبکہ 20 زخمی ہوگئے۔

پولیس کے مطابق کوئٹہ کے مشرقی بائی پاس پربھوسہ منڈی کے قریب بلوچستان کانسٹیبلری کا ٹرک گزررہا تھا کہ اچانک سڑک کنارے کھڑی گاڑی میں نصب بارودی مواد دھماکے سے پھٹ گیا جس کے نتیجے میں 12 اہلکار جاں بحق اور 20 زخمی ہوگئے، دھماکے میں گاڑی مکمل طور پر تباہ ہوگئی،  ریسکیو ٹیموں نے جائے حادثہ پر پہنچ کر زخمیوں کو اسپتال منتقل کردیا جہاں انہیں طبی امداد فراہم کی جارہی ہے، پولیس کے مطابق دھماکے میں 100 کلو گرام بارودی مواد استعمال کیا گیا،  دھماکے کے بعد پولیس اور سیکیورٹی فورسز نے علاقے کو گھیرے میں لے کر تحقیقات شروع کردی ہیں۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔