اولمپکس کا پرچم2016 گیمزکے برازیلین میزبان شہر ریو ڈی جنیرو پہنچ گیا

ریوڈی جنیرو: اولمپکس کا پرچم 2016 گیمزکے برازیلین میزبان شہر ریو ڈی جنیرو پہنچ گیا، میئر ایڈوارڈو پیس نے ایئر پورٹ پر پہنچنے کے بعد جہاز سے باہر نکل کر پرچم لہرایا، لندن اولمپکس میں حصہ لینے والے برازیل کے کھلاڑی، اولمپک 2016 کے چیئرمین اور ریو کے گورنر بھی ان کے ساتھ واپس آئے ہیں، ریو ڈی جنیرو اولمپکس کی میزبانی کرنے والا جنوبی امریکاکا پہلا شہر ہے، اب تک یہاں اولمپک پارک اور کھیلوں کے دیگر مقامات کی تعمیر ہونا باقی ہے جس کی وجہ سے کئی لوگوں نے تیاریوں پر خدشات کا اظہار کیا۔

جون میں انٹرنیشنل اولمپک کمیٹی کے ارکان نے شہر کا دورے کرتے ہوئے کہا تھا کہ تیاریوں کے حوالے سے ٹائم لائن پہلے ہی بہت جکڑی ہوئی ہے،ابھی قابل ذکر کام مکمل ہونا باقی ہے، ٹرانسپورٹ نظام پر بھی تحفظات کا اظہار کیا گیاکیونکہ یہ پہلے ہی بمشکل 60لاکھ مقامی آبادی کا بوجھ اٹھا رہا ہے۔