پاک چین دوستی خارجہ پالیسی کااہم ستون ہے چیئر مین سینیٹ

ہم چین کی خودمختاری کودرپیش کسی بھی خطرے کوپاکستان کی خودمختاری کیلیے خطرہ سمجھتے ہیں۔ چیئر مین سینیٹ. فوٹو آئی این پی

---

چیئرمین سینیٹ سید نیرحسین بخاری نے کہا ہے کہ چین کیساتھ دوستی پاکستان کی خارجہ پالیسی کاایک اہم ستون ہے ۔

چین کے قومی مفادات کے امور پر پاکستان ثابت قدمی سے ساتھ کھڑارہے گا ۔ جمعرات کو سینیٹ کے اجلاس سے چین کے وزیراعظم لی کی چیانک کے خطاب کے موقع پر استقبالیہ خطاب میں سید نیر حسین بخاری نے کہا کہ چینی وزیراعظم کا دورہ دونوں ممالک میں سیاسی تبدیلیوں کے بعد ہورہا ہے جو دوطرفہ دوستی کو فروغ دینے میں سنگ میل ثابت ہوگا۔ انھوں نے کہا کہ ہم چین کی خودمختاری کودرپیش کسی بھی خطرے کوپاکستان کی خودمختاری کیلیے خطرہ سمجھتے ہیں۔



سینیٹر اعتزاز احسن نے کہا کہ پاکستان نے چین سے بہت سیکھا ، بے نظیر بھٹو ، میاں نواز شریف اور صدر آصف علی زرداری نے چین کیساتھ اپنے رشتے کومضبوط رکھا ۔ اعتزاز احسن نے کہاکہ چین کاجودشمن ہے وہ پاکستان کابھی دشمن ہے ۔ میاں نوازشریف ملک کے آئندہ وزیراعظم بننے والے ہیں جو پاک چین دوستی کومزید مضبوط بنائیں گے ۔ بعدازاں سینیٹ کا خصوصی اجلاس غیر معینہ مدت کیلیے ملتوی کر دیا