اسرائیل اور فلسطین کو قیام امن کے لیے سخت فیصلے کرنا ہوں گے، جان کیری

تل ابیب: امریکی وزیر خارجہ جان کیری نے کہا ہے کہ اسرائیل اور فلسطین کو مشرق وسطیٰ میں قیام امن کے لیے سخت فیصلے کرنا ہوں گے۔

اسرائیلی دارلحکومت تل ابیب میں میڈیا سے بات کرتے ہوئے جان کیری نے کہا کہ دونوں ممالک کے درمیان نئے مذاکرات کے حوالے سے عدم اعتماد اور غیریقینی کی صورتحال ہے تاہم اب ہم اس جانب بڑھ رہے ہیں جب اسرائیل اور فلسطین کو  سخت فیصلے لینے پڑيں گے،  جان کیری کا کہنا تھا کہ محتاط انداز میں اعتماد سازی  کو فروغ دیتے ہوئے دونوں ممالک امن کے لئے مذاکرات کے راستے پر آ سکتے ہیں۔

واضح رہے کہ فروری میں اپنے عہدے کا چارج سنبھالنے کے بعد جان کیری کا مشرق وسطیٰ کا یہ چوتھا دورہ ہے جس کے دوران انہوں نے اسرائیلی وزیراعظم بینجمن نیتن یاہو اور فلسطینی صدر محمود عباس سے ملاقاتیں کی، امریکی وزیر خارجہ نے حیرت انگیز طور پر فلسطینی دورے کے دوران رام اللہ کی گلیوں کا دورہ بھی کیا۔