قائداعظم کے آئین سازاسمبلی سے خطاب کی ریکارڈنگ تلاش کرنیکی کوششیں بے سود

کراچی: قائداعظم محمدعلی جناح کی ریڈیوپاکستان کے پاس تقاریرمیںسے ایک اہم تقریرجوانہوںنے 11 اگست 1947کوآئین ساز اسمبلی میں کی تھی کئی عشروں سے غائب ہے اوراسے تلاش کرنے کی تمام کوششیں بے سودثابت ہورہی ہیں۔

ان دنوں ریڈیو پاکستان پراس کی اردوٹرانسلیشن کسی اورکی زبان میں چلائی جارہی ہے۔انگریزی میں اصل تقریرنہیں مل رہی۔اسے جان بوجھ کرغائب کیاگیاہے یاکوئی اوروجہ ہے اس کی سمجھ نہیں آ رہی۔

اسی تقریرمیں قائداعظم نے کہاتھا کہ آپ اپنے مندروں ،مساجد اورعبادتگاہوں میں جانے کیلیے آزاد ہیں۔ تمہار ا تعلق کسی مذہب ،ذات یاعقیدے سے ہے ریاست کا اس سے کوئی تعلق نہیں۔ریاست کا کام امن وامان کی ذمہ داری پوری کرناہے تاکہ اس میں رہنے والے عوام کی جان مال اور عقیدے کا تحفظ کیاجاسکے۔

ریڈیوپاکستان کے ڈی جی مرتضیٰ سولنگی نے ایکسپریس ٹریبیون کوبتایاکہ جب سے انہیں اپنے عہدے کا چارج سنبھالاہے وہ اس ریکارڈنگ کوتلاش کر رہے ہیں،اس کیلیے آل انڈیاریڈیواوربی بی سی سے رابطہ کیا ہے کیونکہ اس تقریب کی کوریج کیلیے ان کی ٹیمیں بھی آئی تھیں لیکن کوئی کامیابی نہیں ملی۔

بھارتی لوگ سبھاکی اسپیکرسے بھی مددکی درخواست کی لیکن کامیابی نہ ملی۔