نوازشریف آئے تو والہانہ استقبال کرینگے،بھارتی وزیرخارجہ

سرینگر: بھارتی وزیرخارجہ سلمان خورشید نے کہا ہے کہ پاکستان کے ساتھ گزشتہ ناخوشگوار تجربات کونہیں بھلایا جا سکتا تاہم اس کے باوجود بھارت دوطرفہ تعلقات کو دانشمندی کے ساتھ آگے بڑھانے کا خواہاں ہے۔

نامزد وزیر اعظم نوازشریف نے دورہ کیا تو ان کا والہانہ استقبال کیا جائیگا۔ انھوں نے میڈیابریفنگ میں کہا کہ مسائل حل کرنے کے لئے جنگ متبادل نہیں۔اب زمانہ بدل گیا ہے، وہ دن گئے جب جنگوں اور طاقت کے زور پر مسائل کے حل کو تھوپا جاسکتا تھا ۔

ہم پاکستان میں جمہوری نظام کا خیر مقدم کرتے ہیں اور چاہتے ہیں وہاں جمہوریت پہلے سے کہیں زیادہ مضبوط اور توانا ہو اورتمام مسائل بات چیت اور پرامن ڈھنگ سے حل کرنا چاہیے۔