مسلم لیگ (ن) نے وفاقی کابینہ میں اہم وزارتوں کیلیے ناموں کا فیصلہ کرلیا

اسلام آباد: مسلم لیگ ن نے وفاقی کابینہ کی اہم وزارتوں کیلیے ناموں کا فیصلہ کرلیا ہے۔

باوثوق ذرائع سے معلوم ہوا ہے کہ پاکستان مسلم لیگ (ن) کے سربراہ میاں محمد نواز شریف اور پارٹی کی اعلیٰ قیادت نے اپنی حکومت کی کابینہ کی اہم وزارتوں کیلیے ناموں کا فیصلہ کرلیا ہے، جن میں چوہدری نثار علی خان خارجہ امور،اسحق ڈار خزانہ، خواجہ آصف پانی وبجلی، احسن اقبال اقتصادی امور، پرویز رشید اطلاعات ونشریات، زاہد حامد قانون وانصاف اورقادر بلوچ داخلہ امورکے وزیر ہونگے۔

ذرائع نے یہ بھی بتایاکہ محمود خان اچکزئی کواسپیکر قومی اسمبلی جبکہ امیرمقام اورغوث علی شاہ کوایڈوائزربنانے کا بھی فیصلہ کیاگیا ہے۔ذرائع کے مطابق میاں نوازشریف نے وزارت دفاع کا قلمدان فی الحال اپنے پاس رکھنے کا فیصلہ کیا ہے۔