- کلین سوئپ شکست؛ ویمنز ٹیم کی سلیکشن کمیٹی میں بڑی تبدیلیاں
- قومی اسمبلی کمیٹیاں؛ حکومت اور اپوزیشن میں پاور شیئرنگ کا فریم ورک تیار
- ٹرین میں تاریں کاٹ کر تانبہ چوری کرنے والا شخص پکڑا گیا
- غزہ کے اسپتالوں میں اجتماعی قبریں، امریکا نے اسرائیل سے جواب طلب کرلیا
- وزارتِ صنعت و پیداوار نے یوریا کھاد درآمد کرنے کی سفارش کردی
- ٹی20 ورلڈکپ؛ 8 بار کے اولمپک گولڈ میڈلسٹ یوسین بولٹ سفیر نامزد
- کہوٹہ؛ بس میں ڈکیتی کے دوران ڈاکو کی فائرنگ سے سرکاری اہلکار جاں بحق
- نوجوان نسل قوم کا سرمایہ
- اسلام آباد میں روٹی کی قیمت میں کمی کا نوٹیفکیشن معطل
- کیا رضوان آئرلینڈ کیخلاف سیریز میں اسکواڈ کا حصہ ہوں گے؟ بابر نے بتادیا
- ویمنز کوالیفائر؛ آئی سی سی نے ثنامیر کو ’’برانڈ ایمبیسڈر‘‘ مقرر کردیا
- پی او بی ٹرسٹ عالمی سطح پر ساڑھے 3لاکھ افراد کی بینائی ضائع ہونے سے بچا چکا ہے
- ایف بی آر نے ایک آئی ٹی کمپنی کی ٹیکس ہیرا پھیری کا سراغ لگا لیا
- سیاسی نظریات کی نشان دہی کرنے والا اے آئی الگوردم
- خاتون ڈاکٹرز سے علاج کرانے والی خواتین میں موت کا خطرہ کم ہوتا ہے، تحقیق
- برطانیہ میں ایک فلیٹ اپنے انوکھے ڈیزائن کی وجہ سے وائرل
- فیصل واوڈا نے عدالتی نظام پر اہم سوالات اٹھا دیئے
- پاکستان کو آئی ایم ایف سے قرض کی نئی قسط 29 اپریل تک ملنے کا امکان
- امریکی اکیڈمی آف نیورولوجی نے پاکستانی پروفیسر کو ایڈووکیٹ آف دی ایئر ایوارڈ سے نواز دیا
- کوہلو میں خراب سیکیورٹی کے باعث ری پولنگ نہیں ہوسکی
نوکوٹ، واٹر سپلائی اسکیم کا منصوبہ 5سال میں بھی مکمل نہ ہوسکا
نوکوٹ: نوکوٹ کے شہری انتظامیہ کی عدم توجہی کے باعث صاف پانی کی سہولت سے محروم ہیں۔
سابق وزیر اعلیٰ سندھ ڈاکٹر ارباب غلام رحیم کے دور حکومت میں نوکوٹ کے شہریوں کو صحت مند صاف پانی کی فراہمی کے لئے 16ایکڑ پر 12 کروڑروپے کی لاگت سے ایک منصوبے کی منظوری تو دی گئی، لیکن بعد میں حکومت اور حکام بالا کی عدم توجہی کے باعث نوکوٹ کے 30ہزار شہری آج تک اس منصوبے سے استفادہ حاصل نہ کر سکے۔ اسکیم کے تحت نوکوٹ کے شہریوں کو روزانہ30 ہزار گیلن پینے کاپانی سپلائی کیا جانا تھا، واٹر سپلائی کے اس منصوبے کے لیے شہر میں پائپ لائنوں کا جال بچانا تھا، جو آج تک مکمل نہ ہوسکا، اس منصوبے میں 2 بڑے تالاب تعمیر کیے گئے تھے، 2سال قبل سیلاب سے ان تالابوں کی دیواروں اور فلٹر پلانٹ میں بارش کا گندہ پانی بھر جانے سے اس اسکیم کو ناقابل تلافی نقصان پہنچا۔
مرکزی تالابوں سے پانی کھینچ کر فلٹر پلانٹ تک پہنچانے والے الیکٹراک سسٹم اور مشینری ناکارہ ہورہی ہیں جبکہ فلٹر پلانٹ کی دیکھ بھال نہ ہونے کے باعث گیلری اور گرِل کا لوہا بھی چوری ہو چکا ہے۔ شہری علاقوں میں صاف پانی سپلائی کرنے کے لیے نصب ہیوی ڈیوٹی مشینری بھی زنگ آلود ہوچکی ہے اور اسکیم کو بجلی سپلائی کرنے والا 250 کے وی کا ٹرانسفارمر بھی تباہ ہورہا ہے.
اس صورتحال کے باعث عوام 80 سے 100روپے فی ڈرم پانی خریدنے پر مجبور ہیں۔ غریب خاندان کی خواتین اور بچے شدید گرمی میں سروں پر مٹکے اور بالٹیاں اٹھائے پریشان گھومتے نظر آتے ہیں۔ لیکن دوسری جانب بالاحکام اور ٹاؤن کمیٹی نوکوٹ کے افسران واٹر سپلائی منصوبے کو شروع کرانے پر ٹال مٹول کا مظاہرہ کررہے ہیں۔ شہر کے سماجی اور عوامی حلقوں نے مطالبہ کیا ہے کہ نوکوٹ میں واٹر سپلائی اسکیم کے تیار منصوبے کو فوری طور پر شروع کرکے عوام کو پینے کا پانی مہیا کیا جائے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔