جسٹس تصدق حسین جیلانی نے قائم مقام چیف الیکشن کمشنرکے عہدے کا حلف اٹھالیا

اسلام آ باد: سپریم کورٹ کے سینئرترین جج جسٹس تصدق حسین جیلانی نے قائم مقام چیف الیکشن کمشنرکے عہدے کا حلف اٹھا لیا۔ 

قائم مقام چیف الیکشن کمشنر کے عہدے کی تقریب حلف برداری سپریم کورٹ میں ہوئی جس میں چیف جسٹس افتخارمحمد چوہدری نے جسٹس تصدق حسین جیلانی سے حلف لیا، تقریب میں اعلیٰ عدلیہ کے ججوں ، سینئر وکلا اور دیگر اہم شخصیات نے بھی شرکت کی۔

واضح رہے کہ چیف الیکشن کمشنر جسٹس (ر) فخرالدین جی ابراہیم اورسیکریٹری الیکشن کمیشن اشتیاق احمد 7 روز دورے پر افریقی ملک ما ریشس گئے ہیں جہاں وہ انتخابی اصلاحات پر منعقد کئے جانے والے بین الاقوامی سیمینار میں شرکت کریں گے۔