- پشاور؛ صوبائی وزیر و دیگر کے نام ای سی ایل سے نکالنے کیلیے حکومت سے جواب طلب
- سوئی ناردرن کی گیس قیمتوں میں اضافے پر وضاحت
- کراچی؛ اورنج اور گرین لائن کو جوڑنے کے لئے شٹل سروس شروع کرنے کا فیصلہ
- قادیانی شہری ضمانت کیس؛ علماء سے 2 ہفتے میں تحریری رائے طلب
- سویلین ٹرائلز؛ سپریم کورٹ کی فوجی عدالتوں کو محفوظ شدہ فیصلے سنانے کی مشروط اجازت
- ایف بی آر سے کرپشن کے خاتمے کیلیے خفیہ ایجنسی کو ٹاسک دیدیا گیا
- کاکول ٹریننگ کیمپ؛ اعظم خان 2 کلومیٹر ریس میں مشکلات کا شکار
- اسٹاک ایکسچینج؛ 100 انڈیکس ملکی تاریخ کی نئی بلند ترین سطح پر پہنچ گیا
- بجلی ایک ماہ کیلیے 5روپے فی یونٹ مہنگی کر دی گئی
- کھلاڑیوں کی ادائیگیوں کا معاملہ؛ بورڈ نے فیکا کے الزامات کو مسترد کردیا
- پی ٹی آئی (پی) کی مخصوص نشستوں کا معاملہ، الیکشن کمیشن حکام فوری ہائیکورٹ طلب
- حساس ادارے کے دفترکے گیٹ پرحملہ، پی ٹی آئی کارکنان دوبارہ زیرحراست
- اُم المومنین سیّدہ عائشہؓ کے فضائل و محاسن
- معرکۂ بدر میں نوجوانوں کا کردار
- غزوۂ بدر یوم ُالفرقان
- ملکہ ٔ کاشانۂ نبوتؐ
- آئی پی ایل2024؛ ممبئی انڈینز، سن رائزرز حیدرآباد کے میچ میں ریکارڈز کی برسات
- عورت ہی مجرم کیوں؟
- باریک سوئیوں سے بنی وائرس کش سطح تیار
- انسانوں نے جانوروں کو وائرس سے زیادہ متاثر کیا ہے، تحقیق
فیڈریشن پر تنقید کے بجائے پلیئرز کا احتساب ہونا چاہیے، سابق ہاکی اسٹارز
کراچی: سابق ہاکی اولمپئنز وانٹرنیشنل اسٹارزکھلاڑی نے کہا ہے کہ ایشین چیمپئن نہ بننے پر پوری قوم کی طرح ہم بھی افسردہ ہیں، شکست پر ہاکی فیڈریشن پر تنقید کرنے کے بجائے کھلاڑیوں کا احتساب ہونا چاہیے۔
1984 اولمپک گولڈمیڈلسٹ ٹیم کے رکن اولمپئن ناصر علی نے 13سابق اولمپئنز وانٹرنیشنل کھلاڑیوں کے ہمراہ پریس کانفرنس میں کہا کہ ہمارا مقصد پاکستان ہاکی کے مستقبل کومحفوظ کرنا ہے، ایشین گیمز میں قومی ٹیم کی ناکامی پر ہم بھی دیگر ہموطنوں کی طرح افسردہ ہیں لیکن آج ہم میڈیا کے سامنے اس لیے آئے ہیں کہ کچھ لوگ ذاتی مفاد کے لیے پاکستان ہاکی کو تباہ کرنا چاہتے ہیں ، عہدوں کی لالچ میں جس طرح چند مخصوص ہاکی اولمپئنز و انٹرنیشنل کھلاڑی پاکستان ہاکی کو بدنام کرنے پر تلے ہوئے ہیں وہ کسی صورت قابل برداشت نہیں ہے۔
اولمپئن سلیم شیروانی نے کہا کہ ایشین گیمز کے پول میچز میں قومی ٹیم نے ناقابل شکست رہتے ہوئے 45 گول کیے اور ہمارے خلاف صرف ایک گول بنا تھا، بدقسمتی سے ٹیم جاپان کے خلاف گول نہ کرسکی جس وجہ سے سیمی فائنل ہارگئے اورتیسری پوزیشن کے میچ میں بھارت کیخلاف بھی ایک گول کے فرق سے جیت نہ مل پائی، تاہم پاکستان ہاکی ٹیم نے ماضی کی نسبت بہترکھیل پیش کیا اور اسی طرح کھیل پیش کرتی رہی تو جلد پاکستانی ٹیم اپنا کھویا ہوا مقام حاصل کرلے گی۔
اولمپئن ایاز محمود کا کہنا تھا کہ یہ سب پی ایچ ایف کی کاوشوں کا نتیجہ ہے جنھوں نے کھلاڑیوں کو بہترین وسائل فراہم کیے، اولمپئن کاشف جواد نے کہا کہ ہمیں انتہائی افسوس ہے کہ وہ اولمپئنز جو ٹیم کے منیجر و کوچ رہے اور ان کے دور میں پاکستانی ٹیم ایک ہی ایونٹ میں دو، دو مرتبہ بھارت سے 6اور7گولزسے ہاری ہے اور اب وہ ٹیم کی پرفارمنس پر تنقید کررہے ہیں۔
اولمپئن سمیر حسین نے کہا کہ وزیراعظم عمران خان خود کھیل کو سمجھتے ہیں، وہ کھیل کی بہتری کیلیے اس سسٹم کو سپورٹ کریں ، جس میں پاکستان ہاکی ٹیم نے دوبارہ وننگ ٹریک پر قدم رکھا ہے۔
سابق انٹرنیشنل ممتاز حیدر کا کہنا تھا کہ ڈچ کوچ رولینٹ اولٹمنزبہترین کام کررہے ہیں لیکن ایشین گیمز میں گولڈ میڈل نہ جیتنے پر ٹیم سے باز پرس ضرور ہونی چاہیے لیکن چند مخصوص سابق اولمپئنز وہاکی پلیئر ایک ایجنڈے کے تحت کھلاڑیوں کے بجائے فیڈریشن سے جواب طلبی کی باتیں کررہے ہیں۔
صفدر عباس نے کہا کہ ہم میڈیا سے بھی گزارش کریں گے کہ وہ خدارا قومی کھیل کی بحالی اور کھوئے ہوئے مقام کو دوبارہ حاصل کرنے کیلیے اپنا کردار ادا کریں ، پریس کانفرنس میں اولمپئن قمر ابراہیم ،اولمپئن کامران اشرف ،اولمپئن ناصر احمد،نعیم احمد ،مبشر مختار، طارق میر، ملک خرم اور دیگر نے بھی خطاب کیا۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔