- عمران خان کا چیف جسٹس کو خط ، پی ٹی آئی کو انصاف دینے کا مطالبہ
- پہلی بیوی کی اجازت کے بغیر دوسری شادی، شوہر کو تین ماہ قید کا حکم
- پشاور میں معمولی تکرار پر ایلیٹ فورس کا سب انسپکٹر قتل
- پنجاب میں 52 غیر رجسٹرڈ شیلٹر ہومز موجود، یتیم بچوں کا مستقبل سوالیہ نشان
- مودی کی انتخابی مہم کو دھچکا، ایلون مسک کا دورہ بھارت ملتوی
- بلوچستان کابینہ نے سرکاری سطح پر گندم خریداری کی منظوری دیدی
- ہتھیار کنٹرول کے دعویدارخود کئی ممالک کو ملٹری ٹیکنالوجی فراہمی میں استثنا دے چکے ہیں، پاکستان
- بشریٰ بی بی کا عدالتی حکم پر شفا انٹرنیشنل اسپتال میں طبی معائنہ
- ویمن ون ڈے سیریز؛ پاک ویسٹ انڈیز ٹیموں کا کراچی میں ٹریننگ سیشن
- محکمہ صحت پختونخوا نے بشریٰ بی بی کے طبی معائنے کی اجازت مانگ لی
- پختونخوا میں طوفانی بارشوں سے ہلاکتیں 48 ہوگئیں، 70 زخمی
- امریکا کسی جارحانہ کارروائی میں ملوث نہیں، وزیر خارجہ
- پی آئی اے کا یورپی فلائٹ آپریشن کیلیے پیرس کو حب بنانے کا فیصلہ
- بیرون ملک ملازمت کی آڑ میں انسانی اسمگلنگ گینگ سرغنہ سمیت 4 ملزمان گرفتار
- پاکستان کےمیزائل پروگرام میں معاونت کا الزام، امریکا نے4 کمپنیوں پرپابندی لگا دی
- جرائم کی شرح میں اضافہ اور اداروں کی کارکردگی؟
- ضمنی انتخابات میں عوام کی سہولت کیلیے مانیٹرنگ اینڈ کنٹرول سینٹر قائم
- وزیرداخلہ سے ایرانی سفیر کی ملاقات، صدررئیسی کے دورے سے متعلق تبادلہ خیال
- پختونخوا؛ صحت کارڈ پر دوائیں نہ ملنے پر معطل کیے گئے 15 ڈاکٹرز بحال
- لاہور؛ پولیس مقابلے میں 2 ڈاکو مارے گئے، ایک اہل کار شہید دوسرا زخمی
ضلع ٹھٹھہ، 530 ترقیاتی اسکیموں کیلیے 742 ملین روپے مختص
سجاول: ڈپٹی کمشنر آغا شاہ نواز بابر نے کہا ہے کہ ٹھٹھہ ضلع میں سالانہ ترقیاتی پروگرام کے تحت 530 جاری مختلف اسکیموں کے لیے 742 ملین روپے مختص کیے گئے ہیں۔
جن میں 180 ملین روپے 254 نئی اسکیموں پر خرچ کیے جائیں گے۔ دربار ہال مکلی میں اجلاس کی صدارت کرتے ہوئے انہوں نے کہا کہ موجودہ کمشنری نظام کے تحت 20 ملین روپے تک کی اسکیموں کی منظوری ڈپٹی کمشنر اور 20 سے 40 ملین روپے تک کی اسکیموں کی منظوری کمشنر دیں گے جب کہ اس سے زیادہ رقم کی اسکیموں کی منظوری صوبائی حکومت دے گی۔ انہوں نے محکمہ ورکس اینڈ سروسز کے انجینئرز کوہدایت کی کہ وہ 20 ملین روپے تک کی اسکیموں کی پی سی ون تیار کر کے ارسال کریں، جب کہ بلدیاتی نظام میں منظور کردہ اسکیموں کی بھی تفصیلات پیش کی جائیں۔
انہوں نے دو محکموں کا ایک ہی اسکیم پر کام کرنے کا نوٹس لیتے ہوئے انجینئرز کو ہدایت کی کہ وہ سرکاری ضابطوں کی پاسداری کرتے ہوئے ایک ہی اسکیم پر دو محکموں کی جانب سے کام کرنے سے گریز کریں اور اسکیمیں مقررہ وقت میں مکمل کریں جبکہ صحیح مٹیریل استعمال نہ کرنے والے انجینئرز سے کوئی رعایت نہیں برتی جائے گی اور ان کے خلاف سخت قدم اٹھایا جائے گا۔
انہوں نے سرکاری عمارتوں کی تزئین و آرائش اور مرمت کے لیے فنڈز جاری کرنے سے متعلق کمشنر حیدرآباد کو خط لکھنے کی ہدایت کی۔اس موقع پر سپرنٹنڈنگ انجینئر نظام الدین شیخ نے ڈپٹی کمشنر کو ترقیاتی اسکیموں سے متعلق تفصیلی بریفنگ دی۔ اجلاس میں اسسٹنٹ کمشنر ٹھٹھہ نعیم سندھو، حبیب الرحمن شیخ،ریاض میمن، مزمل شاہ، ظہور احمد میمن، امتیاز منگی، سہیل میمن، آصف قریشی و دیگر متعلقہ محکموں کے افسران نے بھی شرکت کی۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔