سری ديوی كی 15 برس بعد فلموں ميں واپسی

ممبئی: بالی وڈ ميں چاندنی اور مسٹر انڈيا جيسی سپر ہٹ فلميں دينے والی اداكارہ سری ديوی آخری مرتبہ 1997ء ميں فلم جدائی ميں پر نظر آئی تھيں ۔اس كے بعد سری ديوی كی كوئی فلم ريليز نہيں ہوئی۔

اب بالی وڈ سے ان كی جدائی ختم ہو رہی ہے اور وہ 15 برس بعد فلم انگلش ونگلش ميں كام كر رہی ہيں۔

فلم “انگلش ونگلش” 5 اكتوبر كو ريليز ہوگی ، اس فلم ميں اميتاب بچن بھی ايک چھوٹا سا كردار ادا كر رہے ہيں ۔ يہ دونوں اداكار 18 سال بعد كسی فلم ميں ساتھ نظر آئيں گے۔ اس سے پہلے اميتابھ اور سری ديوی نے 1994ء ميں ريليز ہونے والی فلم خدا گواہ ميں ساتھ كام كيا تھا۔اس فلم كی ہدايت كارہ گوری شندے ہيں جو پا اور چينی كم جيسی فلميں بنانے والے ہدايتكار آر بالی كی اہليہ ہيں۔

سری ديوی كا كہنا ہے كہ اس فلم كی شوٹنگ كے دوران انہوں نے بالكل ايک نئے اداكارہ كی طرح محسوس كيا۔

فلم كے فرسٹ لک لانچ پر سری ديوی نے كہا كہ پندرہ برس كے بعد فلموں ميں واپسی كا موقع دينے كے ليے ميں بالی اور گوری كی شرگزار ہوں ۔ ميں نے اپنے آپ ميں بالكل نئی اداكارہ كی طرح توانائی محسوس كی ہے۔

ایک سوال کا جواب دیتے ہوئے سری ديوی كا كہنا تھا كہ مجھے فلم پر مكمل يقين ہے۔ ميں بالكل نروس يا غير محفوظ محسوس نہيں كر رہی ہوں ۔ مجھے فلم كا سكرپٹ زبردست لگا۔ يہ فلم ميرے دل كو چھو گئی ہے ۔ ميں اپنے كيريئر كے كسی بھی حصے ميں يہ كردار كرنے كے ليے تيار ہو جاتی۔

يہ فلم ہندی ، تمل اور تيلگو زبان ميں بن رہی ہے اور اس ميں سری ديوی نے ايک ايسی خاتون كا كردار ادا كيا ہے، جسے انگلش بالكل نہيں آتی ۔ اس كے ليے وہ اپنے بچوں اور شوہر كے مذاق كا نشانہ بننے كے بعد وہ اپنے خاندان ميں سب كو خوش كرنے كے ليے انگريزی سيكھنے كی كلاس ميں داخلہ ليتی ہے۔

سری ديوی كا كہنا ہے كہ اميتابھ كے ساتھ كام كرنا ہميشہ شاندار تجربہ ہوتا ہے۔ انگلش ونگلش 5 اكتوبر كو ريليز ہوگی۔