- اسلام آباد میں ویزا آفس آنے والی خاتون کے ساتھ زیادتی
- اڈیالہ میں عمران خان سمیت قیدیوں سے ملاقات پر دو ہفتے کی پابندی ختم
- توانائی کے بحران سے نمٹنے میں پاکستان کی مدد کرنا ترجیح میں شامل ہے، امریکا
- ہائیکورٹ کے ججزکا خط، چیف جسٹس سے وزیراعظم کی ملاقات
- وزیر اعلیٰ پنجاب کا مسیحی ملازمین کیلیے گڈ فرائیڈے اور ایسٹر بونس کا اعلان
- سونے کی عالمی ومقامی قیمتوں میں اضافہ
- بلوچستان : بی ایل اے کے دہشت گردوں کا غیر ملکی اسلحہ استعمال کرنے کا انکشاف
- سینئر وزیر سندھ شرجیل میمن کی زیرصدارت محکمہ ٹرانسپورٹ کا اعلیٰ سطح اجلاس
- قومی ٹیم کی کوچنگ؛ جیسن گلیسپی نے اہم فیصلہ کرلیا
- پشاور؛ صوبائی وزیر و دیگر کے نام ای سی ایل سے نکالنے کیلیے حکومت سے جواب طلب
- سوئی ناردرن کی گیس قیمتوں میں اضافے پر وضاحت
- کراچی؛ اورنج اور گرین لائن کو جوڑنے کے لئے شٹل سروس شروع کرنے کا فیصلہ
- قادیانی شہری ضمانت کیس؛ علماء سے 2 ہفتے میں تحریری رائے طلب
- سویلین ٹرائلز؛ سپریم کورٹ کی فوجی عدالتوں کو محفوظ شدہ فیصلے سنانے کی مشروط اجازت
- ایف بی آر سے کرپشن کے خاتمے کیلیے خفیہ ایجنسی کو ٹاسک دیدیا گیا
- کاکول ٹریننگ کیمپ؛ اعظم خان 2 کلومیٹر ریس میں مشکلات کا شکار
- اسٹاک ایکسچینج؛ 100 انڈیکس ملکی تاریخ کی نئی بلند ترین سطح پر پہنچ گیا
- بجلی ایک ماہ کیلیے 5روپے فی یونٹ مہنگی کر دی گئی
- کھلاڑیوں کی ادائیگیوں کا معاملہ؛ بورڈ نے فیکا کے الزامات کو مسترد کردیا
- پی ٹی آئی (پی) کی مخصوص نشستوں کا معاملہ، الیکشن کمیشن حکام فوری ہائیکورٹ طلب
سندھ اور خیبر پختونخوا اسمبلیوں کے نو منتخب ارکان اسمبلی نے حلف اٹھالیا
کراچی / پشاور: سندھ اور خیبر پختونخوا اسمبلیوں کے نو منتخب ارکان اسمبلی نے حلف اٹھالیا، اسپیکر و ڈپٹی اسپیکر کا انتخاب کل جبکہ صوبوں کے وزرائے اعلیٰ 31 مئی کو منتخب ہوں گے۔
اسپیکر نثار احمد کھوڑو کی سربراہی میں نو منتخب سندھ اسمبلی کا اجلاس ایک گھنٹے کی تاخیر سے شروع ہوا، اجلاس کے باقاعدہ آغاز سے قبل ہی ایوان میں آنے والے سیاسی کارکنوں کی جانب سے نعرے لگائے جاتے رہے اور ایوان مچھلی بازار بن گیا۔ جس پر نثار کھوڑو نے کہا کہ مہمانوں کی گیلری میں بیٹھے افراد کو نعرے لگانے کی اجازت نہیں۔ تلاوت کلام پاک اور نعت رسول مقبول صلی اللہ علیہ وسلم کے بعد اسپیکر نثار کھوڑو نے نو منتخب ایوان سے رسمی خطاب کرتے ہوئے کہا کہ وہ اسمبلی میں آنے والے تمام ارکان کو مبارکباد پیش کرتے ہیں اور امید کرتے ہیں کہ وہ عوام کی جانب سے دیئے گئے مینڈیٹ اور ان کے اعتماد پر پورا اترنے کی کوشش کریں گے، جس کے بعد انہوں نے ارکان سے اردو، سندھی اور انگریزی میں الگ الگ حلف لیا۔ ارکان اسمبلی کی جانب سے اسمبلی رولل پر دستخط کے بعد اجلاس کل صبح 9 بجے تک کے لئے ملتوی کردیا گیا جس میں خفیہ رائے دہی کے ذریعے آئندہ اسپیکر و ڈپٹی اسپیکر کا انتخاب ہوگا۔
دوسری جانب نومنتخب خیبر پختونخوااسمبلی کا اجلاس اسپیکر کرامت اللہ چغرمٹی کی سربراہی میں 30 منٹ تاخیر سے شروع ہوا۔ تلاوت کلام پاک کے بعد کرامت اللہ چغرمٹی نے کہا کہ صوبہ خیبر پختونخوا غیر ملکی طاقتوں کی مداخلت اور بد امنی کا شکار ہے، جمہوریت کی آبیاری میں ملک کی سیکیورٹی فورسز اور عوام نے بہت قربانیاں دیں لیکن گزشتہ حکومت کو اپنی سوچ میں کامیابی حاصل نہ ہوسکی اور کرپشن نے سب کچھ تباہ کردیا، جس کی سزا بڑی جماعتوں کو ملی۔ وہ اللہ تعالیٰ سے دعا گو ہیں کہ تبدیلی کانعرہ خیبر پختونخوا سمیت ملک بھر میں رائج فرسودہ نظام کےخاتمے کاسبب بنے۔،اسپیکر کی جانب سے خطاب کے بعد انہوں نے ایوان کے نو منتخب 122 ارکان اسمبلی سے حلف لیا،اسمبلی کا اجلاس کل صبح 10 بجے پھر ہوگا جس میں اسپیکر اور ڈپٹی اسپیکر کا انتخاب ہوگا۔
واضح رہے کہ پنجاب اسمبلی اور بلوچستان اسمبلی کے اجلاس یکم جون کو طلب کئے گئے ہیں اور اسی روز قومی اسمبلی کا اجلاس بھی طلب کیا گیا ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔