- نیب کا قومی اسمبلی سیکریٹریٹ میں غیر قانونی بھرتیوں کا نوٹس
- رضوان کی انجری سے متعلق بڑی خبر سامنے آگئی
- بولتے حروف
- بغیر اجازت دوسری شادی؛ تین ماہ قید کی سزا معطل کرنے کا حکم
- شیر افضل کے بجائے حامد رضا چیئرمین پبلک اکاؤنٹس کمیٹی نامزد
- بیوی سے پریشان ہو کر خودکشی کا ڈرامہ کرنے والا شوہر زیر حراست
- 'امن کی سرحد' کو 'خوشحالی کی سرحد' میں تبدیل کریں گے، پاک ایران مشترکہ اعلامیہ
- وزیراعظم کا کراچی کے لیے 150 بسیں دینے کا اعلان
- آئی سی سی رینکنگ؛ بابراعظم کو دھچکا، شاہین کی 3 درجہ ترقی
- عالمی و مقامی مارکیٹ میں سونے کی قیمت میں اضافہ
- سویلین کا ٹرائل؛ لارجر بینچ کیلیے معاملہ پھر پریکٹس اینڈ پروسیجر کمیٹی کو بھیج دیا گیا
- رائیونڈ؛ سفاک ملزمان کا تین سالہ بچے پر بہیمانہ تشدد، چھری کے وار سے شدید زخمی
- پنجاب؛ بےگھر لوگوں کی ہاؤسنگ اسکیم کیلیے سرکاری زمین کی نشاندہی کرلی گئی
- انٹرنیشنل ہاکی فیڈریشن نے پی ایچ ایف کے دونوں دھڑوں سے رابطہ کرلیا
- بلوچ لاپتہ افراد کیس؛ پتہ چلتا ہے وزیراعظم کے بیان کی کوئی حیثیت نہیں، اسلام آباد ہائیکورٹ
- چوتھا ٹی20؛ رضوان کی پلئینگ الیون میں شرکت مشکوک
- ایرانی صدر کا دورہ اور علاقائی تعاون کی اہمیت
- آئی ایم ایف قسط پیر تک مل جائیگی، جون تک زرمبادلہ ذخائر 10 ارب ڈالر ہوجائینگے، وزیر خزانہ
- حکومت رواں مالی سال کے قرض اہداف حاصل کرنے میں ناکام
- وزیراعظم کی وزیراعلیٰ سندھ کو صوبے کے مالی مسائل حل کرنے کی یقین دہانی
ڈیموں کی تعمیر، اوورسیز کیلیے سیونگ سرٹیفکیٹ جاری کرنے کا فیصلہ
اسلام آ باد: وفاقی حکومت نے اوور سیز پاکستانیوں کے لیے اوور سیز پاکستانیز سیونگ سرٹیفکیٹ کو دیا میر بھاشا ڈیم کے ساتھ منسلک کرنے کا اصولی فیصلہ کیا ہے اور ڈیم کی تعمیر کے دورانیہ پر محیط بانڈز و سرٹیفکیٹ جاری کیے جائیں گے اس کے علاوہ شریعہ بانڈ سمیت مزید تین بچت اسکیمیں بھی متعارف کرائی جائیں گی۔
وزارت خزانہ کے سینئر افسر نے بتایا کہ اوور سیز پاکستانیز سیونگ سرٹیفکیٹ اور شریعہ بانڈ کی اسکیموں کے مسودے تیار ہیں اور پہلے وزیراعظم عمران خان کی جانب سے ڈیم فنڈ کے اعلان کے موقع پر جاری کردہ ویڈیو پیغام میں ان سرٹیفکیٹس کا اعلان بھی شامل تھا مگر اس حوالے سے چونکہ ابھی ورکنگ مکمل نہیں ہوئی تھی اس لیے اس پغام میں اسے شامل نہیں کیا گیا۔
وفاقی وزیر خزانہ اسد عمر کی زیر صدارت ہونے والے اجلاس میں محکمہ قومی بچت کے سابق ڈائریکٹر جنرل کی جانب سے ان بچت اسکیموں کے بارے میں جامع بریفنگ دی جاچکی ہے تاہم اب حکومت نے فیصلہ کیا ہے کہ دیا میر بھاشا ڈیم اور مہمند ڈیم کی تعمیر سے ان اسکیموں کو منسلک کردیا جائے اور اس بارے میں ورکنگ کی جائے گی جس میں اوور سیز پاکستانیز سیونگ سرٹیفکیٹ و بانڈز کے لیے منافع کی شرح اور اس کے دورانیے کا تعین کیا جائے گا۔
ذرائع کا کہنا ہے کہ جو تجویز زیر غور ہے اس کے تحت حکومت اوور سیز پاکستانیز سیونگ سرٹیفکیٹ و بانڈز کی مدت 5 سے 7 سال رکھنے پر غور کررہی ہے اور ان بانڈز کو مقررہ میعاد تک ناقابل کیش رکھنے کی تجویز بھی زیر غور ہے تاکہ جتنے عرصے کے لیے یہ بانڈز و سرٹیفکیٹ جاری کیے جائیں گے اس عرصے تک انہیں کیش نہیں کروایا جا سکے گا تاکہ ڈیموں کی تعمیر کے لیے فنڈز حاصل ہوجائیں اور حکومت پر مالی بوجھ و دباؤ بھی کم سے کم پڑے تاہم ان بانڈز و سرٹیفکیٹس پر سرمایہ کاروں کو اعلان کردہ شرح کے مطابق منافع فراہم کیا جائے گا۔
وزارت خزانہ کے مذکورہ سینئر افسر نے گزشتہ روز (پیر) ’’ایکسپریس‘‘ کو بتایا کہ محکمہ قومی بچت کی جانب سے نئی بچت اسکیموںکی سمری تیار کی گئی تھی اب اس میں ضروری ترامیم کی جائیں گی جس کے بعد ان بچت اسکیموں کا اعلان کیا جائے گا۔
ذرائع کا کہنا ہے کہ اوور سیز پاکستانیز سیونگ سرٹیفکیٹ اور شریعہ بانڈ کی اسکیموں کا بنیادی مقصد ترسیلات زر کو بڑھانا اور ملک کی مالی ضروریات پوری کرنے کے لیے خود سے وسائل پیدا کرنا ہے۔
محکمہ قومی بچت کی جانب سے متعارف کرائے جانے والے شریعہ بانڈز کی ملک کی اسٹاک مارکیٹ پر ٹریڈنگ ہوگی اور ان بانڈز میں ملکی و غیر ملکی خصوصاً اوور سیز پاکستانیز سرمایہ کاری کرسکیں گے جبکہ اوور سیز پاکستانیز سیونگ بانڈز بیرون ممالک مقیم پاکستانیوں کے لیے ہوں گے اور وہ اس اسکیم میں سرمایہ کاری کرسکیں گے جس کے لیے بیرون ممالک میں خصوصی کاؤنٹرز بھی قائم کیے جائیں گے۔
ذرائع نے مزید بتایا کہ اس کے علاوہ شریعہ بانڈز بھی جاری کیے جائیں گے اور ان شریعہ بانڈز کو اسٹاک مارکیٹ میں ان لسٹ کروایا جائے گا جہاں ان بانڈز کی ٹریڈنگ ہوگی۔ علاوہ ازیں ان بانڈز کو غیر ملکی اسٹاک ایکسچینج پر ٹریڈنگ کے لیے ان لسٹ کرانے کی تجویز بھی زیر غور ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔