پولیس ملازمین سے سرکاری گھر خالی نہ کرانے کا فیصلہ

 اسلام آباد:  وفاقی وزارت ہاؤسنگ اینڈ ورکس نے آبپارہ میں پولیس ملا زمین کے زیرقبضہ سرکاری رہائشگاہیں پولیس کوہی دینے کا اصولی فیصلہ کیا ہے تاہم حتمی منظوری وزیراعظم دیں گے۔

ذرائع کا کہنا ہے کہ جی سکس آبپارہ میں یہ فلیٹس2003 میں تعمیرکیے گئے تھے جن پر148ملین روپے لاگت آئی تھی۔ اس وقت ان فلیٹس کے بلاک نمبر9 میں 16اپارٹمنٹس اسٹیٹ آفس نے الاٹ کیے ہوئے ہیں جبکہ 200کے قریب فلیٹ پولیس ملازمین کے پاس ہیں جو اسٹیٹ آفس کے بارہا نوٹسز کے باوجو د سرکاری رہائشگاہیں خالی کرنے سے انکاری ہیں۔

اس صورتحال پر اسٹیٹ آفس نے یہ فیصلہ کیا ہے کہ یہ فلیٹس پولیس کیلیے مختص کر دیے جائیں تاکہ یہ تنازع ختم ہو جائے۔