- بیوی کی ناک اور کان کاٹنے والا سفاک ملزم ساتھی سمیت گرفتار
- پنجاب میں پہلے سے بیلٹ باکس بھرے ہوئے تھے، چیئرمین پی ٹی آئی
- ٹریفک وارڈنز لاہور نے ایمانداری کی ایک اور مثال قائم کر دی
- مسجد اقصی میں دنبے کی قربانی کی کوشش پر 13 یہودی گرفتار
- ملک میں ادارے آئینی طور پر نہیں چل رہے صرف طاقتور کی حکمرانی ہے، عمران خان
- 190 ملین پاؤنڈز کیس؛ وکلا کی جرح مکمل، مزید 6 گواہوں کے بیان قلمبند
- حکومت تمام اخراجات ادھار لے کر پورا کررہی ہے، احسن اقبال
- لاپتا افراد کا معاملہ بہت پرانا ہے یہ عدالتی حکم پر راتوں رات حل نہیں ہوسکتا، وزرا
- ملائیشیا میں فوجی ہیلی کاپٹرز آپس میں ٹکرا گئے؛ 10 اہلکار ہلاک
- عالمی اور مقامی مارکیٹ میں سونے کی قیمت میں آج بھی بڑی کمی
- قومی ٹیم میں بیٹرز کی پوزیشن معمہ بن گئی
- نیشنل ایکشن پلان 2014 پر عملدرآمد کیلیے سپریم کورٹ میں درخواست دائر
- پختونخوا کابینہ میں بجٹ منظوری کیخلاف درخواست پر ایڈووکیٹ جنرل کو نوٹس
- وزیراعظم کا ٹیکس کیسز میں دانستہ التوا کا نوٹس؛ چیف کمشنر ان لینڈ ریونیو اسلام آباد معطل
- بلوچستان میں 24 تا 27 اپریل مزید بارشوں کی پیشگوئی، الرٹ جاری
- ازبکستان، پاکستان اور سعودی عرب کے مابین شراکت داری کا اہم معاہدہ
- پی آئی اے تنظیم نو میں سنگ میل حاصل، ایس ای سی پی میں انتظامات کی اسکیم منظور
- کراچی پورٹ کے بلک ٹرمینل اور 10برتھوں کی لیز سے آمدن کا آغاز
- اختلافی تحاریر میں اصلاح اور تجاویز بھی دیجیے
- عوام کو قومی اسمبلی میں پٹیشن دائر کرنیکی اجازت، پیپلز پارٹی بل لانے کیلیے تیار
نوٹیفکیشن کے اجرا سے قبل ہی نامزد اپوزیشن لیڈر کی فرمائشیں
کراچی: سندھ اسمبلی میں اپوزیشن جماعتوں کی طرف سے نامزداپوزیشن لیڈرکی تقرری کا نوٹیفکیشن جاری نہ ہوا کہ نوٹیفکیشن کے اجرا سے قبل ہی نامزد اپوزیشن لیڈر نے اسمبلی اسٹاف سے فرمائشیں شروع کردیں۔
پی ٹی آئی، ایم کیوایم اور جی ڈی اے کی جانب سے نامزد اپوزیشن لیڈر فردوس شمیم نقوی کی سربراہی میں پی ٹی آئی ارکان اسمبلی نے اسپیکر سندھ اسمبلی آغا سراج درانی اور سیکریٹری اسمبلی عمر فاروق برڑو سے علیحدہ علیحدہ ملاقاتیں کیں، ملاقات میں پی ٹی آئی کے ارکان اسمبلی ادیبہ حسن، راجا اظہر، شہزاد اعوان اور دیگر بھی ان کے ہمراہ تھے۔
ذرائع کے مطابق سیکریٹری سندھ اسمبلی سے ملاقات میں نامزد اپوزیشن لیڈر فردوس شمیم نقوی نے اپوزیشن لیڈرکے لیے چیمبرالاٹ کرنے کی درخواست کی جس پر سیکریٹری نے انھیں کہا کہ آپ کا بحیثیت اپوزیشن لیڈر نوٹیفیکشن جاری نہیں ہوا، قواعد کے مطابق نوٹیفکیشن کے اجرا کے بعد ہی چیمبر الاٹ کیا جائے گا۔
اس موقع پر فردوس شمیم نقوی نے سیکریٹری سے استفسار کیا کہ اپوزیشن لیڈر کے استحقاق اور اختیارات کیا ہیں ؟ جس کے جواب میں سیکریٹری سندھ اسمبلی نے کہا کہ آپ کی باضابطہ تقرری کے بعد سب تفصیل سے آگاہ کردیا جائے گا، فی الوقت اپوزیشن لیڈر کے لیے موصولہ درخواست پرارکان اسمبلی کے دستخط کی تصدیق کا عمل جاری ہے۔ دستخطوں کی تصدیق کے بعد تقرری کا نوٹیفکیشن جاری کیا جائے گا۔
ذرائع کے مطابق نامزد اپوزیشن فردوس شمیم نقوی نے اپوزیشن لیڈر کو فراہم کی جانے والی گاڑی کے متعلق بھی دریافت کیا بولے کہ قائد حزب اختلاف کو سادہ گاڑی دی جاتی ہوگی جس پر سیکریٹری نے اثبات میں جواب دیا تو فردوس شمیم نقوی نے کہا کہ مجھے سادہ گاڑی نہیں چاہیے میرے پاس ذاتی بلٹ پروف گاڑی موجود ہے۔
سندھ اسمبلی میں دونوں کے درمیان ملاقات پندرہ منٹ سے زائد جاری رہی ، نامزد قائد حزب اختلاف نے جاتے جاتے ایک اور فرمائش کر ڈالی بولے کہ میرے لیٹر ہیڈ آپ چھپوائیں گے یا مجھے خود چھپوانا ہونگے ؟ جس کا سیکریٹری نے وہی سابقہ جواب دہرایا کہ آپکا اپوزیشن لیڈر کا نوٹیفکیشن جاری ہونے دیں سب کام ہوجائیں گے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔