- خیبرپختونخوا میں بارشوں سے 36 افراد جاں بحق، 46 زخمی ہوئے، پی ڈی ایم اے
- انٹربینک میں ڈالر کی قدر میں تنزلی، اوپن مارکیٹ میں معمولی اضافہ
- سونے کے نرخ بڑھنے کا سلسلہ جاری، بدستور بلند ترین سطح پر
- گداگروں کے گروپوں کے درمیان حد بندی کا تنازع؛ بھیکاری عدالت پہنچ گئے
- سائنس دانوں کی سائبورگ کاکروچ کی آزمائش
- ٹائپ 2 ذیا بیطس مختلف قسم کے سرطان کے ساتھ جینیاتی تعلق رکھتی ہے، تحقیق
- وزیراعظم کا اماراتی صدر سے رابطہ، موسمیاتی تبدیلی سے نمٹنے کے لیے مشترکہ اقدامات پر زور
- پارلیمنٹ کی مسجد سے جوتے چوری کا معاملہ؛ اسپیکر قومی اسمبلی نے نوٹس لے لیا
- گذشتہ ہفتے 22 اشیا کی قیمتیں بڑھ گئیں، ادارہ شماریات
- محکمہ موسمیات کی کراچی میں اگلے تین روز موسم گرم و مرطوب رہنے کی پیش گوئی
- بھارت؛ انسٹاگرام ریل بنانے کی خطرناک کوشش نے 21 سالہ نوجوان کی جان لے لی
- قطر کے ایئرپورٹ نے ایک بار پھر دنیا کے بہترین ایئرپورٹ کا ایوارڈ جیت لیا
- اسرائیلی بمباری میں 6 ہزار ماؤں سمیت 10 ہزار خواتین ہلاک ہوچکی ہیں، اقوام متحدہ
- 14 دن کے اندر کے پی اسمبلی اجلاس بلانے اور نومنتخب ممبران سے حلف لینے کا حکم
- ایل ڈی اے نے 25 ہاﺅسنگ سوسائٹیوں کے پرمٹ اور مجوزہ لے آﺅٹ پلان منسوخ کردیے
- امریکا نے اقوام متحدہ میں فلسطین کی مستقل رکنیت کی قرارداد ویٹو کردی
- وزیراعظم کا اسمگلنگ کے خاتمے کے لیے ملک گیر مہم تیز کرنے کا حکم
- جی-7 وزرائے خارجہ کا اجلاس؛ غزہ میں جنگ بندی کا مطالبہ
- پنڈی اسٹیڈیم میں بارش؛ بھارت نے چیمپیئنز ٹرافی کی میزبانی پر سوال اٹھادیا
- اس سال ہم بھی حج کی نگرانی کرینگے شکایت ملی تو حکام کو نہیں چھوڑیں گے، اسلام آباد ہائیکورٹ
شمالی وزیرستان میں دہشت گردی کی لہر
شمالی وزیرستان میں سیکیورٹی فورسزکے آپریشن کے دوران فائرنگ کے تبادلے میں چار دہشتگرد مارے گئے،جب کہ تین اہلکاروں نے جام شہادت نوش کیا۔فوجی ترجمان کے مطابق دہشتگرد پوری طرح مسلح تھے اورانھوں نے شدید مزاحمت کی، فورسز نے تمام علاقے کوکلیئرکرلیا ہے۔
دوسری خبرکے مطابق شمالی وزیرستان کی تحصیل بویاگاؤں بادامی کلہ میں گشت کرنیوالے سیکیورٹی اہلکاروں پر حملے کے نتیجے میں پانچ اہلکار زخمی ہوگئے، پاک فوج کے اہلکاروں پر نامعلوم افراد نے اس وقت حملہ کیا جب وہ علاقے میں گشت کر رہے تھے۔
پاکستان دہشتگردی کے خلاف ایک طویل عرصے سے نبرد آزما ہے۔ سیکیورٹی فورسزکے بہادر اور جری جوانوں نے اپنی جانوں کا نذرانہ پیش کرکے مادروطن کے چپے چپے کی حفاظت کی ہے اور دہشتگردوں کے پاؤں اکھیڑدیے ہیں، وہ اپنی جانیں بچانے کے لیے چھپتے پھرتے ہیں، لیکن کبھی کبھار وہ چھپ کر بزدلانہ وارکرنے سے باز نہیں آتے۔جس پرعزم انداز میں دہشت گردوں کے خلاف آپریشن جاری ہے اس سے یہ امید بندھتی ہے کہ جلد دہشت گردوں کا خاتمہ ہو جائے گا۔ طالبان اور دیگر جہادی گروپوں نے شمالی وجنوبی وزیرستان میں اپنی آماجگاہیں بنا رکھی تھیں۔
پاک فوج نے ضرب عضب اور آپریشن رد الفساد کے ذریعے ان دہشتگردوں اور سماج دشمنوں سے اس علاقے کو پاک کیا اور ان کے کمانڈ اینڈ کنٹرول سسٹم کو تباہ کر دیا، جو زندہ بچے وہ افغانستان فرار ہوگئے کیونکہ باقاعدہ سرحدی باڑکی عدم موجودگی اور طویل ترین دشوارگزار سرحدی پہاڑی علاقہ ہونے کے باعث دہشتگردوں کو نقل وحمل میں آسانی ہوتی ہے ۔ افغانستان ، بھارت اور امریکا نے ان عناصرکو پاکستان کے خلاف استعمال کیا اور پھر پاکستان کو نقصان پہنچانے والے عناصرکے خلاف قوم اٹھ کھڑی ہوئی ۔
سچائی تو یہ ہے کہ دہشتگردی پاکستان میں ایک عفریت کی صورت اختیارکرگئی تھی۔ دہشتگردی کے خاتمے کے لیے ایک طویل جنگ گزشتہ ایک دہائی سے وطن عزیز میں لڑی جارہی ہے ۔ سری لنکا کی مثال ہمارے سامنے ہے ۔ جہاں کی حکومتوں نے تقریباً تیس سال تامل ٹائیگرزکی دہشتگردی کے خلاف جنگ لڑی اور بالٓاخر اس پر قابوپا لیا۔
پاکستانی فوج دنیا کی واحد فوج ہے جو اتنے طویل عرصے تک دہشتگردوں کے خلاف جنگ لڑنے کا تجربہ اور حوصلہ رکھتی ہے۔ قوم اورفوج کا عزم صمیم ہے کہ وہ دہشت گردوں کا جڑ سے خاتمہ کر کے دم لیں گے، بالٓاخر فتح سچ وحق کی ہوگی اور پاکستان کی دھرتی امن کا گہوارہ اور ترقی وخوشحالی کا نمونہ بنے گی۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔