- سینئر وزیر سندھ شرجیل میمن کی زیرصدارت محکمہ ٹرانسپورٹ کا اعلیٰ سطح اجلاس
- قومی ٹیم کی کوچنگ؛ جیسن گلیسپی اہم فیصلہ کرلیا
- پشاور؛ صوبائی وزیر و دیگر کے نام ای سی ایل سے نکالنے کیلیے حکومت سے جواب طلب
- سوئی ناردرن کی گیس قیمتوں میں اضافے پر وضاحت
- کراچی؛ اورنج اور گرین لائن کو جوڑنے کے لئے شٹل سروس شروع کرنے کا فیصلہ
- قادیانی شہری ضمانت کیس؛ علماء سے 2 ہفتے میں تحریری رائے طلب
- سویلین ٹرائلز؛ سپریم کورٹ کی فوجی عدالتوں کو محفوظ شدہ فیصلے سنانے کی مشروط اجازت
- ایف بی آر سے کرپشن کے خاتمے کیلیے خفیہ ایجنسی کو ٹاسک دیدیا گیا
- کاکول ٹریننگ کیمپ؛ اعظم خان 2 کلومیٹر ریس میں مشکلات کا شکار
- اسٹاک ایکسچینج؛ 100 انڈیکس ملکی تاریخ کی نئی بلند ترین سطح پر پہنچ گیا
- بجلی ایک ماہ کیلیے 5روپے فی یونٹ مہنگی کر دی گئی
- کھلاڑیوں کی ادائیگیوں کا معاملہ؛ بورڈ نے فیکا کے الزامات کو مسترد کردیا
- پی ٹی آئی (پی) کی مخصوص نشستوں کا معاملہ، الیکشن کمیشن حکام فوری ہائیکورٹ طلب
- حساس ادارے کے دفترکے گیٹ پرحملہ، پی ٹی آئی کارکنان دوبارہ زیرحراست
- اُم المومنین سیّدہ عائشہؓ کے فضائل و محاسن
- معرکۂ بدر میں نوجوانوں کا کردار
- غزوۂ بدر یوم ُالفرقان
- ملکہ ٔ کاشانۂ نبوتؐ
- آئی پی ایل2024؛ ممبئی انڈینز، سن رائزرز حیدرآباد کے میچ میں ریکارڈز کی برسات
- عورت ہی مجرم کیوں؟
پیپلزپارٹی کے دور میں عام آدمی کا لائف اسٹائل بہتر ہوا،گیلانی
لاہور: پیپلزپارٹی کے رہنما سابق وزیراعظم یوسف رضاگیلانی نے کہا ہے کہ الیکشن 2013 سے پیپلزپارٹی کانیا سفرشروع ہوا ہے، پارٹی کودوبارہ سے منظم کرنے میں لگے ہوئے ہیں۔
پیپلزپارٹی کے دور میں عام آدمی کا لائف اسٹائل بہتر ہوا ہے۔ ایکسپریس نیوزکے پروگرام بات سے بات میں میزبان ڈاکٹر ماریہ ذوالفقار خان سے گفتگو میں انھوں نے کہاکہ ن لیگ کی حکومت کے سامنے دہشت گردی اور شدت پسندی معیشت کی بحالی اور انرجی بحران تین بڑے ایشوز ہیں،میری دعا ہے کہ نئی حکومت اچھا پرفارم کرے، اب عوام کے لیے کسی بھی جماعت کو5 سال تک برداشت کرنا بہت مشکل ہوچکا ہے میں نے تجویز دی تھی کہ حکومت کی مدت 4 سال کردی جائے ۔میں الیکشن کی شفافیت پرکوئی بات نہیں کرتا مگر میڈیا جوکچھ بتا رہا ہے اس سے پتہ چلتا ہے کہ الیکشن کس حد تک شفاف اور منصفانہ تھے۔
انھوں نے کہا کہ 20ویں ترمیم کے تحت ہم نے آزاد الیکشن کمیشن کے قیام کا فیصلہ کیا لیکن الیکشن کمیشن میری سوچ کے مطابق نتائج نہیں دے سکا اگر ملک گیر سطح پرصرف انگوٹھے کے نشانات کی ہی تصدیق کی جائے توکافی حد تک الیکشن کے حقائق سامنے آجائیں گے۔آئین کے مطابق جس صوبے میں بجلی پیدا ہوتی ہے پہلے اس صوبے کا حق ہے اس لیے ہم نے کوئی غیرآئینی کام نہیں کیا۔ انھوں نے کہا کہ میں نے راجا پرویزاشرف کو لوڈشیڈنگ کے خاتمے کی تاریخ دینے سے منع کیا تھا کیونکہ انرجی بحران کے خاتمے میں کچھ وقت لگنا ہے یہ ایسا نہیں ہے کہ آپ کے پاس پیسہ ہو اور آپ سوئچ دبائیں تو بجلی آجائے گی۔ بجلی کے بحران کی کمی کے لیے ہمارے دور میں شروع کیے گئے پروجیکٹ 3 سال تک کام کرنا شروع ہوجائینگے۔
انھوں نے کہا کہ اس مرتبہ الیکشن کے دوران تمام لبرل پارٹیوں کے لیے فضا سازگار نہیں تھی ہم جب بھی کوئی بڑا جلسہ کرنے کی کوشش کرتے تو ہمیں کہا جاتا تھا کہ آپ کو خطرہ ہے اس لیے آپ جلسہ نہ کریں اورایسے ہی حالات کی وجہ سے میرا بیٹا بھی اغوا ہوگیا ۔جو سیاسی حریف میرے بیٹے کے اغوا کو سازش قرار دیتے ہیں میں ان کے لیے صرف دعا ہی کرسکتا ہوں جب عمران خان کے ساتھ حادثہ ہواتھا تو میں نے ٹی وی پرآکر ان سے اظہارہمدردی کیا تھا ہمیں اس طرح کرکے عوام کی ہمدردی حاصل کرنے کی کوئی ضرورت نہیں تھی ۔
عوام جانتی ہے کہ پیپلزپارٹی نے ان کے لیے کیاکیا ہے الیکشن میں ناکامی کی صرف ایک ہی بڑی وجہ ہے کہ ہم اپنے دور میں بجلی کے بحران کو حل کرنے میں ناکام رہے اگر ہم بجلی بحران پرقابو پالیتے تو کوئی وجہ نہ تھی کہ عوام ہم کومینڈیٹ نہ دیتے۔ہم نے الیکشن میں پی ٹی آئی کا بھرپور مقابلہ کیا ہے فردوس عاشق اعوان کا فیصلہ ان کا ذاتی تھا اس میں پارٹی کی مشاورت نہیں تھی ، قوم کو پیغام ہے کہ انتخابات کے نتائج کو معیار بناکر دشمنیاں نہیں پالنی چاہئیں اقتدار میوزیکل چیئر ہے کبھی ہم اس پر بیٹھ جاتے ہیں تو کبھی کوئی اوربیٹھ جاتا ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔