پٹرول کی قیمت میں اضافہ واپس لیا جائے،حق پرست اراکین

کراچی: متحدہ قومی موومنٹ کے نومنتخب اراکین قومی اسمبلی نے وزارت پٹرولیم کی جانب سے یکم جون سے پٹرولیم مصنوعات کی قیمت میں اضافے کی سخت مذمت کی ہے اورمطالبہ کیا ہے کہ پٹرول کی قیمت میں 2 روپے18پیسے اضافے کا فیصلہ واپس لیا جائے اور عوام پر مہنگائی کا بوجھ ڈالنے کا سلسلہ بند کیا جائے۔

ایک مشترکہ بیان میںحق پرست اراکین قومی اسمبلی نے کہا کہ پٹرول کی قیمت میں اضافے سے مہنگائی مزید بڑھے گی جس سے غریب عوام براہ راست متاثر ہوں گے جو پہلے ہیں مہنگائی کے بوجھ تلے دبے ہوئے ہیں۔

حق پرست اراکین نے صدر مملکت اور نگراں وزیر اعظم سے مطالبہ کیا کہ پٹرول کی قیمت میں اضافے کا فوری نوٹس لیا جائے اور پٹرول کی قیمت میں نمایاں کمی کرکے عوام کو ریلیف دیا جائے۔