عامر خان نے فلم ’’ٹھگ آف ہندوستان‘‘ کی ریلیز کی تاریخ کا اعلان کردیا

 ممبئی: بالی ووڈ کے مسٹر پرفیکشنسٹ عامر خان نے نئی آنے والی فلم ’ٹھگ آف ہندوستان‘ کی ریلیز کی تاریخ کا اعلان کردیا۔

بھارتی میڈیا میں ان دنوں عامر خان کی نئی فلم ’’ٹھگ آف ہندوستان‘‘ کے چرچے ہیں جس کی اصل وجہ فلم میں عامر خان کے مختلف کردار ہیں اور اداکار کا منفرد روپ سوشل میڈیا پر لوگوں کی توجہ کا مرکز بنا ہوا ہے یہی وجہ ہے کہ 250 کروڑ روپے کے بڑے بجٹ سے بننے والی فلم کی ریلیز کی تاریخ کا اعلان کردیا گیا ہے۔

The thugs are coming.
love,
a.
#ThugsOfHindostan releasing on 8th November.@yrf | @TOHTheFilm | @SrBachchan | @fattysanashaikh | #KatrinaKaifhttps://t.co/kczxjmvtWQ

— Aamir Khan (@aamir_khan) September 17, 2018

بالی ووڈ کے مسٹر پرفیکشنسٹ عامر خان نے سماجی رابطے کی ویب سائٹ ٹوئٹر پر فلم ’ٹھگ آف ہندوستان‘ کا ٹیزر جاری کیا جس میں فلم کے کرداروں سے متعلق بتایا گیا جب کہ ساتھ ہی عامر خان نے لکھا کہ فلم بہت جلد آرہی ہے جوکہ 8 نومبر کو دیوالی کے موقع پر ریلیز کی جائے گی۔

یہ خبر بھی پڑھیں: عامر خان ’ٹھگ آف ہندوستان‘ میں 25 پاکستانی فنکاروں کے ساتھ کام کریں گے

واضح رہے کہ فلم’’ٹھگ آف ہندوستان‘‘ کی کہانی میڈوز ٹیلر کے 1839میں شائع ہونے والے ناول ’’کنفیشن آف ٹھگ‘‘  پر مبنی ہے جس میں عامر خان خان’’امیر علی‘‘نام کے ٹھگ کا کردار نبھارہے ہیں جب کہ اُن کے ہمراہ امیتابھ بچن کے علاوہ اداکارہ کترینہ کیف، فاطمہ ثنا شیخ اور رونت رائے شامل ہیں۔