- بجلی 2 روپے 75 پیسے فی یونٹ مہنگی کردی گئی
- انٹربینک اور اوپن مارکیٹ میں ڈالر کی نسبت روپیہ تگڑا
- حکومت نے 2000 کلومیٹر تک استعمال شدہ گاڑیاں درآمد کرنے کی اجازت دیدی
- کراچی: ڈی آئی جی کے بیٹے کی ہوائی فائرنگ، اسلحے کی نمائش کی ویڈیوز وائرل
- انوار الحق کاکڑ، ایمل ولی بلوچستان سے بلامقابلہ سینیٹر منتخب
- جناح اسپتال میں خواتین ڈاکٹروں کو بطور سزا کمرے میں بند کرنے کا انکشاف
- کولیسٹرول قابو کرنیوالی ادویات مسوڑھوں کی بیماری میں مفید قرار
- تکلیف میں مبتلا شہری کے پیٹ سے زندہ بام مچھلی برآمد
- ماہرین کا اینڈرائیڈ صارفین کو 28 خطرناک ایپس ڈیلیٹ کرنے کا مشورہ
- اسرائیل نے امن کا پرچم لہرانے والے 2 فلسطینی نوجوانوں کو قتل کردیا
- حکومت نے آٹا برآمد کرنے کی مشروط اجازت دے دی
- سائفر کیس میں امریکی ناظم الامور کو نہ بلایا گیا نہ انکا واٹس ایپ ریکارڈ لایا گیا، وکیل عمران خان
- سندھ ہائیکورٹ میں جج اور سینئر وکیل میں تلخ جملوں کا تبادلہ
- حکومت کا ججز کے خط کے معاملے پر انکوائری کمیشن بنانے کا اعلان
- زرمبادلہ کے سرکاری ذخائر 8 ارب ڈالر کی سطح پر مستحکم
- پی ٹی آئی کا عدلیہ کی آزادی وعمران خان کی رہائی کیلیے ریلی کا اعلان
- ہائی کورٹ ججز کے خط پر چیف جسٹس کی زیرصدارت فل کورٹ اجلاس
- اسلام آباد اور خیبر پختون خوا میں زلزلے کے جھٹکے
- حافظ نعیم کی کامیابی کا نوٹیفکیشن جاری نہ کرنے پر الیکشن کمیشن کو نوٹس
- خیبر پختونخوا کے تعلیمی اداروں میں موسم بہار کی تعطیلات کا اعلان
8، 9 اور 10 محرم کے جلوس، ٹریفک کے متبادل راستوں کا اعلان
کراچی: ٹریفک پولیس نے 8، 9 اور 10 محرم الحرام کے مرکزی جلوسوں کے حوالے سے ٹریفک کے متبادل راستوں کا اعلان کردیا۔
8 محرم کو مرکزی جلوس نشتر پارک سے دوپہر ڈیڑھ بجے برآمد ہوگا،جلوس محفل شاہ خراساں ، ایم اے جناح روڈ، منسفیلڈ اسٹریٹ ، پریڈی اسٹریٹ ، دوبارہ ایم اے جناح روڈ ، بابائے اردو روڈ ، نشتر روڈ ، بارہ امام ، الحسین روڈ ، ایم اے جناح روڈ ، بولٹن مارکیٹ ، بمبئی بازار ، نواب محبت خانجی روڈ سے حیسنیہ ایرانیاں امام بارگاہ پر اختام پذیر ہوگا۔
9 محرم کو 9 بجے جلوس مرکزی امام بارگاہ سے برآمد ہوگا ، یہ جلوس پہلے مارٹن روڈ امام بارگاہ اور پھر نشتر پارک پہنچے گا جہاں مرکزی مجلس ہوگی تقریباً 12 بجے جلوس نشتر پارک سے شروع ہوکر محفل شاہ خراساں ، ایم اے جناح روڈ اور دیگر روایتی رواستوں سے ہوتا ہوا حسینیہ ایرانیاں امام بارگاہ پر اختتام پذیر ہوگا۔
10 محرم کو ساڑھے سات بجے سے نو بجے نشتر پارک میں مجلس منعقد ہوگی جس کے بعد مرکزی جلوس نشتر پارک سے برآمد ہوگا جوکہ اپنے روایتی راستوں سے ہوتا ہوا کھارادر میں اختتام پذیر ہوگا۔
ٹریفک پولیس حکام کا کہنا ہے کہ جیسے ہی جلوس نشتر پارک سے روانہ ہوگا شہر کی جانب سے آنے والی تمام ٹریفک کو سولجر بازار ، کوسٹ گارڈ ، انکل سریا چوک سے جوبلی یا نشتر روڈ کی جانب موڑ دیا جائے گا ، تمام ٹریفک جو ناظم آباد سے ایم اے جناح روڈ کی جانب آرہی ہوگی اسے لسبیلہ چوک سے نشتر روڈ کی جانب موڑ دیا جائے گا تاکہ وہ اپنی منزل مقصود تک پہنچ سکیں۔
تمام ٹریفک جو لیاقت آباد سے ایم اے جناح روڈ آرہی ہوگی اسے تین ہٹی چوک سے مارٹن روڈ پر جیل روڈ کی جانب موڑ دیا جائے گا ان تمام گاڑیوں کو جیل چورنگی فلائی اوور تک جانے کی اجازت ہوگی اور یہ تمام گاڑیاں جیل روڈ سے ہوتی ہوئی جمشید روڈ ، دادا بھائی نورجی روڈ ، کشمیر روڈ شارع قائدین ، شارع فیصل ، لکی اسٹار ، سرور شہید روڈ ، فاطمہ جناح روڈ ، مولانا دین محمد وفائی روڈ ، ڈاکٹر ضیا الدین احمد روڈ اور آئی آئی چند ریگر روڈ کی جانب موڑ دیا جائے گا۔
اسی طرح جو ٹریفک اسٹیڈیم روڈ کی جانب سے ایم اے جناح روڈ کی جانب جائے گی اسے نیو ایم اے جناح ورڈ کی جانب سے آنے کی اجازت ہوگی ، البتہ یہ گاڑیاں دادا بھائی نور جی روڈ ، کشمیر روڈ اور سوسائٹی لائٹ سگنل سے ہوتی ہوئی براستہ شارع قائدین سے شارع فیصل پر جاسکیں گی ، وہ تمام ٹریفک جوکہ سپر ہائی وے گلبرگ کی جانب سے ایم اے جناح روڈ کی طر جانا چاہے اسے لیاقت آباد دس نمبر سے ناظم آباد چورنگی دو نمبر کی طرف موڑ دیا جائے گا،وہ تمام ٹریفک جوکہ نیشنلہ ہائی وے کی جانب سے شہر کی طرف جانا چاہے، اسے براستہ راشد منہاس روڈ ، اسٹیڈیم روڈ ، لیاقت آباد دس نمبر،ناظم آباد دو نمبر چورنگی،حبیب بینک،شیرشاہ سے ماڑی پور آنے کی اجازت ہوگی۔
تمام قسم کی ٹریفک جوکہ براستہ شارع قائدین سے نمایش کی جانب جائے گی اسے سوسائٹی آفس چورنگی سے آگے جانے کی اجازت نہیں ہوگی سوائے ان گاڑیوں کے جن پر جلوس میں شامل ہونے کا اسٹیکر چسپاں ہوگا،جب جلوس کا اگلا سرا ایم اے جناح روڈ پہنچے گا تو تمام ٹریفک جو صدر اور دوسری کالونیوں کی جانب جانا چاہے اسی کو ایمپریس مارکیٹ کی طرف پریڈی،کورٹ روڈ اور فریسکو چوک نہیں جانے دیا جائے گا۔
10 محرم کو تمام ٹریفک جوکہ کیماڑی کی جانب سے آرہی ہوگی اسے مسان روڈ سے شیریں جناح کالونی کی جانب مور دیا جائے گا اور وہ تمام ٹریفک جوکہ ویسٹ وہارف اور ماڑی پور کی جانب سے آرہی ہوگی اسے آئی سی آئی سے آگے نہیں جانے دیا جائے گا ، 8 اور دس محرم کو کی درمیانی شب تازیوں پر مشتمل جلوس شہر کے مختلف حصوں سے برآمد ہوں گے تو ان کے لیے بھی متبادل انتظامات کیے گئے ہیں ، وہ تمام بسیں و منی بسیں جوکہ جمشید کوارٹرز سے صدر کی جانب براستہ ایم اے جناح روڈ آتی ہیں ان کو رات دس بجے کے بعد منسفیلڈ اسٹریٹ کی جانب آنے کی اجازت نہیں ہوگی۔
اسی طرح وہ تمام بسیں و منی بسیں جو صدر کی جانب براستہ شارع لیاقت سے ہوتی ہوئی ایمپریس مارکیٹ اور دوسری رہائشی علاقوں میں جانا چاہتی ہوں انھیں محمد بن قاسم روڈ ، ایم اے جناح روڈ کراسنگ سے موڑ دیا جائے گا اور وہ گاڑیاں جوکہ ملیر اور شاع فیصل کی جان جانا چاہیں انھیں کورٹ روڈ،مولانا دین محمد وفائی روڈ ، عبداللہ ہارون روڈ ، میری ویدر روڈ سے شارع فیصل کی جانب موڑ دیا جائے گا ، کسی بھی گاڑی کو جلوس کے راستے پر کھڑی کرنے کی اجازت نہیں ہوگی۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔