پاکستان اور بھارت کے درمیان زیادہ سے زیادہ کرکٹ میچز ہونے چاہئیں، نوجوت سدھو

 اسلام آباد: سابق بھارتی کرکٹر نوجوت سنگھ سدھو کا کہنا ہے کہ پاکستان اور بھارت کے درمیان زیادہ سے زیادہ کرکٹ میچز ہونے چاہئیں۔

ایکسپریس نیوز کے مطابق پاکستان اور بھارت کے درمیان ایشیا کپ کے میچ سے قبل پی ٹی آئی رہنما سینیٹر فیصل جاوید اور سابق بھارتی کرکٹر نوجوت سنگھ کے درمیان ٹیلی فونک رابطہ ہوا ہے، ذرائع کا کہنا ہے کہ نوجوت سنگھ نے فیصل جاوید کو ٹیلی فون کیا اور دونوں کے درمیان پاک بھارت میچ پر تبادلہ خیال کیا گیا۔

اس خبر کو بھی پڑھیں : نوجوت سنگھ سدھو جنرل قمر جاوید باجوہ کے گرویدہ ہوگئے

اس موقع پر نوجوت سنگھ سدھو کا کہنا تھا کہ کرکٹ دونوں ملکوں کو قریب لاتی ہے، دونوں ملکوں کے درمیان زیادہ سے زیادہ میچز ہونے چاہئیں، پاکستان اوربھارت کے درمیان کانٹے دار مقابلہ ہوگا۔ نوجوت سدھو سے گفتگو میں پی ٹی آئی رہنما سینیٹر فیصل جاوید کا کہنا تھا کہ پاکستانی ٹیم کو چیمپئن ٹرافی کی برتری حاصل ہے۔