بھارت میں معصوم بچے کی باپ کی لاش کیساتھ دلخراش تصویروائرل، 5 ملین امداد جمع

نئی دہلی: بھارت میں باپ کی آخری رسومات کے لیے پیسے نہ ہونے پر غم زدہ بیٹے کی اپنے باپ کی لاش کے ساتھ تصویر نے سوشل میڈیا پر صارفین کے دلوں کو جھنجھوڑ دیا اور دو دنوں میں غربت کے مارے خاندان کے لیے 5.2 ملین امدادی رقم جمع ہو گئی۔

بھارتی میڈیا کے مطابق انیل نامی شخص گہرے نالے کی صفائی کے دوران زہریلی گیس کے باعث ہلاک ہوگیا تھا۔ غریب مزدور کے اہل خانہ کے پاس آخری رسومات کی ادائیگی کے لیے بھی پیسے نہیں تھے تاہم سوشل میڈیا پر ایک تصویر نے غریب خاندان کے دکھوں کا مداوا کردیا۔

The boy walked up to his father's body at a crematorium, moved the sheet from the face, held the cheeks with both hands, just said 'papa' & began sobbing.

The man was yet another poor labourer who died in a Delhi sewer on Friday. Family did not have money even for cremating him. pic.twitter.com/4nOWD9Aial

— Shiv Sunny (@shivsunny) September 17, 2018

ہلاک ہونے والے مزدور انیل کی میت کے قریب کھڑے سات سالہ بیٹے نے اپنے باپ کے منہ سے کفن کا کپڑا ہٹا کر اپنے دونوں ہاتھوں میں باپ کا چہرہ تھام لیا اور پھوٹ پھوٹ کر رونے لگا۔ بھارتی صحافی شیوسنی نے دل خراش لمحے کو کیمرے میں محفوظ کر لیا اور سماجی رابطے کی ویب سائٹ ٹویٹر پر تصویر شیئر کردی۔

37 y/o labourer died of asphyxiation while cleaning a #Delhi Jal Board sewer. He was lowered 20 ft deep in a sewer by a weak rope which snapped leading to his demise just 6 days after his 4 m/o son died of pneumonia. #TuesdayThoughts https://t.co/7g684fzz8N

— Ketto (@ketto) September 18, 2018

صحافی نے غریب خاندان کی امداد کی اپیل بھی کی جس کے بعد سوشل میڈیا پر صارفین نے غریب خاندان کے لیے باقاعدہ چندہ مہم کا آغاز کیا اور صرف 24 گھنٹے کے دوران 2 ملین روپے جمع ہو گئے جب کہ دو دن بعد امدادی رقم 5.2 ملین تک جا پہنچی۔ اس رقم سے غریب خاندان کی کفالت اور رہائش کا بندوبست ہو جائے گا۔