- خیبرپختونخوا میں بلدیاتی نمائندوں کا اختیارات نہ ملنے پراحتجاج کا اعلان
- پشین؛ سیکیورٹی فورسز کی کارروائی میں3 دہشت گرد ہلاک، ایک زخمی حالت میں گرفتار
- لاپتہ کرنے والوں کا تعین بہت مشکل ہے، وزیراعلیٰ بلوچستان
- سائفر کیس میں بانی پی ٹی آئی کو سزا سنانے والے جج کے تبادلے کی سفارش
- فافن کی ضمنی انتخابات پر رپورٹ،‘ووٹوں کی گنتی بڑی حد تک مناسب طریقہ کار پر تھی’
- بلوچستان کے علاقے نانی مندر میں نایاب فارسی تیندوا دیکھا گیا
- اسلام آباد ہائیکورٹ کا عدالتی امور میں مداخلت پر ادارہ جاتی ردعمل دینے کا فیصلہ
- عوام کو ٹیکسز دینے پڑیں گے، اب اس کے بغیر گزارہ نہیں، وفاقی وزیرخزانہ
- امریکا نے ایران کیساتھ تجارتی معاہدے کرنے والوں کو خبردار کردیا
- قومی اسمبلی میں دوران اجلاس بجلی کا بریک ڈاؤن، ایوان تاریکی میں ڈوب گیا
- سوئی سدرن کے ہزاروں ملازمین کو ریگولرائز کرنے سے متعلق درخواستیں مسترد
- بہیمانہ قتل؛ بی جے پی رہنما کے بیٹے نے والدین اور بھائی کی سپاری دی تھی
- دوست کو گاڑی سے باندھ کر گاڑی چلانے کی ویڈیو وائرل، صارفین کی تنقید
- سائنس دانوں کا پانچ کروڑ سورج سے زیادہ طاقتور دھماکوں کا مشاہدہ
- چھوٹے بچوں کے ناخن باقاعدگی سے نہ کاٹنے کے نقصانات
- ایرانی صدر کا دورہ کراچی، کل صبح 8 بجے تک موبائل سروس معطل رہے گی
- ایرانی صدر ابراہیم رئیسی کی کراچی آمد، مزار قائد پر حاضری
- مثبت معاشی اشاریوں کے باوجود اسٹاک مارکیٹ میں مندی کا رجحان
- اقوام متحدہ کے ادارے پر حماس کی مدد کا اسرائیلی الزام جھوٹا نکلا
- نشے میں دھت مسافر نے ایئرہوسٹس پر مکے برسا دیئے؛ ویڈیو وائرل
چیمپیئنز لیگ فٹبال، میسی کی 8 ویں ہیٹ ٹرک، رونالڈو ریکارڈ سے محروم
بارسلونا: یوئیفا چیمپئنز لیگ میں بارسلونا نے ڈچ کلب پی ایس وی اینڈہون کو 4-0 سے آئوٹ کلاس کردیا، کپتان لیونل میسی نے ہیٹ ٹرک کاکارنامہ انجام دیا جبکہ ایک بار ڈیمبیل نے بھی گیند کو جال کی راہ دکھائی۔
یوئیفا چیمپئنز لیگ میں بارسلونا نے فاتحانہ آغاز کرتے ہوئے ڈچ کلب پی ایس وی اینڈہون کو 4-0 سے آئوٹ کلاس کردیا، کپتان لیونل میسی نے ہیٹ ٹرک داغی، ان کا کہنا ہے کہ بارسلونا اس بار ٹرافی اپنے نام کرنے کا عزم رکھتا ہے، ایونٹ میں میسی نے آٹھویں بار ہیٹ ٹرک بنائی، اس سے قبل یکساں طور پر 7،7 ہیٹ ٹرک بناکر وہ رونالڈو کے ساتھ ریکارڈ میں ساجھے داری اختیار کیے ہوئے تھے لیکن اب وہ تن تنہا اس منفرد ریکارڈ کے مالک بن گئے۔
لیونل میسی نے میچ کا پہلا گول کھیل کے 31ویں منٹ میں فری کک پر بنایا، انھوں نے حریف پلیئرز کی بنی ہوئی قطار کے اوپر سے گیند کو جال میں پہنچادیا، یہ فری کک اوسمین ڈیمبیل نے حاصل کی تھی، ڈیمبیل نے 74ویں منٹ میں ٹیم کی برتری دگنی بنائی۔ اس کے تین منٹ بعد میسی نے انفرادی طور پر دوسرا گول بناکر اسکور 3-0 کردیا، فائنل وسل سے تین منٹ قبل بھی میسی حریف دفاعی حصار میں نقب لگانے میں کامیاب رہے اور انھوں نے گیند کو جال میں پہنچاکر اسکور 4-0 کردیا۔
دیگر میچزمیں جرمن کلب بورسیا ڈورٹمنڈ نے بیلجیئم کے کلب بوریج کو 1-0 سے ہرادیا، موناکو کو ہوم گرائونڈ پر ایٹلیٹکو میڈرڈ نے 2-1 سے شکست دی، فاتح ٹیم کیلیے ڈیگو کوسٹا اور جیمنیز نے ایک ایک گول بنایا، اٹلی میں میزبان کلب انٹرمیلان نے انگلش سائیڈ ٹوٹنہم کو 2-1 سے قابو کرلیا، کامیاب سائیڈ کیلیے ایکارڈی اورویسینو نے گول کیے، ناکام سائیڈ کا خسارہ ایرکسن نے کم کیا۔
لیورپول نے مہمان پی ایس جی کو دلچسپ اور سنسنی خیزمقابلے کے بعد 3-2 سے ٹھکانے لگایا، فاتح ٹیم کیلیے اسٹروج، ملنر اور فریمینو نے گیند کو جال کی راہ دکھائی جبکہ فرنچ کلب کیلیے ورلڈ کپ کے ہیرو میباپے اور میونیئر نے گول کیے۔
بلغراد میں ریڈ اسٹار بلغراد اور اطالوی کلب نپولی کا مقابلہ بغیر کسی گول کے برابری پر تمام ہوگیا۔ترک کلب گلاٹاسارے نے روسی کلب لوکوموٹیو ماسکو کیخلاف 3-0 سے کامیابی سمیٹ لی، جرمن کلب شالکے04 کی ٹیم اور ایف سی پورٹو کا مقابلہ 1-1 سے ڈرا ہوگیا۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔