- کراچی میں مرکزی مویشی منڈی کب اور کہاں سجے گی؟
- پاکستان ویسٹ انڈیز ویمن ٹی ٹوئنٹی سیریز کا پہلا میچ آج کھیلا جائے گا
- اسحاق ڈار کی پی ٹی آئی کو ساتھ کام کرنے کی پیش کش
- ٹی ٹوئنٹی ورلڈ کپ 2024 کی ٹرافی پاکستان پہنچ گئی، اسلام آباد میں رونمائی
- وزیر مملکت برائے آئی ٹی شزہ فاطمہ سے میٹا کے وفد کی ملاقات
- برطانیہ کا ایرانی ڈرون انڈسٹری پر نئی پابندیوں کا اعلان
- سزا اور جزا کے بغیر سرکاری محکموں میں اصلاحات ممکن نہیں، وزیر اعظم
- چوتھا ٹی ٹوئنٹی: نیوزی لینڈ کے ہاتھوں پاکستان کو مسلسل دوسری شکست
- حماس کی قید میں موجود اسرائیلی یرغمالی کی نئی ویڈیو جاری
- جامعہ کراچی میں قائم یونیسکو چیئرکے ڈائریکٹر ڈاکٹراقبال چوہدری سبکدوش
- تنزانیہ میں طوفانی بارشیں؛ سیلاب اور لینڈ سلائیڈنگ سے 155 افراد ہلاک
- ججز کو دھمکی آمیز خطوط؛ سپریم کورٹ کا لارجر بینچ 30 اپریل کو سماعت کریگا
- متحدہ عرب امارات کی مارکیٹ میں پاکستانی گوشت کی طلب بڑھ گئی
- زرمبادلہ کے ذخائر میں گزشتہ ہفتے 9 کروڑ 30 لاکھ ڈالر کی کمی
- فوج سے کوئی اختلاف نہیں، ملک ایجنسیز کے بغیر نہیں چلتے، سربراہ اپوزیشن گرینڈ الائنس
- جوحلف نامہ مجھ پر لاگو وہ تمام ججوں،جرنیلوں پر بھی لاگو ہو گا : واوڈا
- اگر حق نہ دیا تو حکومت گرا کر اسلام آباد پر قبضہ کرلیں گے، علی امین گنڈاپور
- ڈالر کی انٹر بینک قیمت میں اضافہ، اوپن مارکیٹ میں قدر گھٹ گئی
- قومی اسمبلی: خواتین ارکان پر نازیبا جملے کسنے کیخلاف مذمتی قرارداد منظور
- پاکستان نے انسانی حقوق سے متعلق امریکی ’متعصبانہ‘ رپورٹ مسترد کردی
ریڈ کارڈ دکھانے پر کرسٹیانو رونالڈو زار و قطار رو پڑے
بارسلونا: یوئیفا چیمپئنز لیگ کے آغاز میں ہی امپائر کی جانب سے ریڈ کارڈ دکھا کر گراؤنڈ سے باہر جانے کا کہنے پر کرسٹیانو رونالڈو رو پڑے۔
بین الاقوامی خبر رساں ادارے کے مطابق یوئیفا چیمپئنز لیگ کا آغاز شہرہ آفاق فٹبالر کرسٹیانو رونالڈو کے لیے خوشگوار ثابت نہیں ہوا۔ اطالوی فٹبال کلب یووینٹیس سے اپنے ڈیبیو میچ میں پرتگالی فٹبالر کو کھیل کے پہلے ہاف میں ہی ریڈ کارڈ دکھا کر گراؤنڈ سے باہر کردیا گیا۔
اسٹار فٹبالر رونالڈو اور اطالوی فٹبال کلب یووینٹیس کے کھلاڑیوں نے ریفری کے فیصلے پر شدید احتجاج کرتے ہوئے موقف اختیار کیا کہ مخالف ٹیم کا دفاعی کھلاڑی خود زمین پر گرا اور زخمی ہونے کی اداکاری کر رہا تھا۔ رونالڈو نے اسے اُٹھانے کے لیے سر پر ہاتھ رکھا تھا۔
اطالوی کھلاڑیوں کے احتجاج پر ریفری نے گراؤنڈ کے کنارے پر موجود معاون ریفری سے بھی مشاورت کی اور معروف فٹبالر کو ریڈ کارڈ دکھا کر گراؤنڈ سے باہر جانے کے لیے مجبور کردیا۔
کھیل کے پہلے ہاف میں گراؤنڈ سے باہر ہونے پر سپر اسٹار فٹبالر کرسٹیانو رونالڈو دل برداشتہ ہو گئے اور زار و قطار رونے لگے۔ اُن کی آنکھوں میں آنسو آگئے اور چہرہ غم کی تصویر بن گیا۔ وہ کچھ دیر کے لیے سر پکڑ کر اسٹیڈیم میں ہی لیٹ گئے۔
ریفری کے فیصلے پر کرسٹینا رونالڈو اپنے جذبات پر قابو نہیں رکھ سکے اور پھوٹ پھوٹ کر رونے لگے۔ اس موقع پر شائقین نے نعرے بازی بھی کی اور مداحوں نے ریفری کے متنازعہ فیصلے پر جملے بھی کسے۔
اہم میچ کے ریفری فلیکس بریچ نے اپنے معاون ریفری سے مشاورت کے بعد کرسٹیانو رونالڈو کو اس وقت سرخ کارڈ دکھا کر گراؤنڈ سے بھیجا جب کہ معروف فٹبالر نے مخالف ٹیم ولینشیا کے دفاعی کھلاڑی جیسن موریلو کے بال پکڑ کر گیند چھیننے کی کوشش کی۔
رونالڈو بوجھل قدموں کے ساتھ گراؤنڈ سے باہر جانے لگے تو شائقین نے ان کے حق میں نعرے لگائے اور نشستوں سے کھڑے ہو کر تالیاں بجائیں۔ رونالڈو گراؤنڈ سے باہر آکر بھی اپنے کوچ اور ساتھیوں سے مل کر روتے رہے۔
تاہم پہلے ہی میچ میں باہر ہونے والے غم زدہ کرسٹیانو رونالڈو کو اُن کی ٹیم نے جیت کا تحفہ دے کر خوش کر دیا۔ رونالڈو کی ٹیم دس کھلاڑیوں کے ساتھ کھیلنے کے باجود 2 گول کرنے میں کامیاب ہو گئی جب کہ مخالف ٹیم کے ہر حملے کو ناکام بناتے ہوئے فتح اپنے نام کرلی۔
https://twitter.com/fcjuveworld1897/status/1042507999372165120
کرسٹیانو رونالڈو کو اپنے کیریئر میں 11 مرتبہ ریڈ کارڈ کا سامنا کرنا پڑا ہے تاہم یہ پہلی مرتبہ ہوا ہے کہ اسٹار فٹبالر کو چیمپئن لیگ میں ریڈ کارڈ دکھایا گیا ہو۔ رونالڈو کی کلب ٹیم یووینٹیس نے سماجی رابطے کی ویب سائٹ ٹویٹر پر ایک ٹویٹ میں رونالڈو کو ریڈ کارڈ دکھانے کی ویڈیو شیئر کی گئی ہے اور صارفین سے پوچھا گیا ہے کہ کیا یہ ایسا فاؤل ہے جس پر ریڈ کارڈ دکھایا جائے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔