وزیراعظم کی جانب سے دوستوں کو حکومتی عہدے نوازنے کا تاثرغلط ہے، نعیم الحق

 اسلام آباد: وزیر اعظم عمران خان کے مشیر نعیم الحق نے کہا ہے کہ وزیر اعظم کی جانب سے اپنے دوستوں کو حکومتی عہدے دینے کا تاثرغلط ہے۔

سماجی رابطے کی ویب سائیٹ ٹوئٹر پر اظہار خیال کرتے ہوئے نعیم الحق نے کہا کہ وزیر اعظم عمران خان کی جانب سے دوستوں کو اہم حکومتی عہدوں سے نوازنے سے متعلق باتیں سراسر بے بنیاد اور من گھڑت ہیں۔

Extremely misleading and malicious program on Geo full of lies about PM appointing his friends to positions in the Government. I joined politics in 1984 with Tehrik e Istaqlal and contested 1988 NA elections from Karachi and am one of the 5 original founders of PTI .

— Naeem ul Haque (@naeemul_haque) September 20, 2018

نعیم الحق نے کہا کہ میں نے 1984 میں تحریک استقلال سے عملی سیاست کا آغاز کیا اور 1988 میں کراچی سے قومی اسمبلی کا الیکشن لڑا، میں تحریک انصاف کے 5 بانی ارکان میں سے ایک ہوں۔

واضح رہے کہ وزیراعظم عمران خان نے چند روز قبل اپنے قریبی دوست زلفی بخاری کو اپنا معاون خصوصی برائے سمندر پار پاکستانی مقرر کیا ہے، جس پر حکومت پر تنقید کی جارہی ہے۔