- موٹر وے پولیس اہل کار کو ٹکر مارنے والی خاتون جوڈیشل ریمانڈ پر جیل روانہ
- کراچی میں رینجرز ہیڈ کوارٹرز سمیت تمام عمارتوں کے باہر سے رکاوٹیں ہٹانے کا حکم
- اوگرا کی تیل کی قیمتیں ڈی ریگولیٹ کرنے کی تردید
- منہدم نسلہ ٹاور کے پلاٹ کو نیلام کر کے متاثرہ رہائشیوں کو پیسے دینے کا حکم
- مہنگائی کے باعث لوگ اپنے بچوں کو فروخت کرنے پر مجبور ہیں، پشاور ہائیکورٹ
- کیا عماد، عامر اور فخر کو آج موقع ملے گا؟
- سونے کی قیمتوں میں معمولی اضافہ
- عمران خان، بشریٰ بی بی کو ریاستی اداروں کیخلاف بیان بازی سے روک دیا گیا
- ویمنز ٹیم کی سابق کپتان بسمہ معروف نے ریٹائرمنٹ کا اعلان کردیا
- امریکی یونیورسٹیز میں ہونے والے مظاہروں پر اسرائیلی وزیراعظم کی چیخیں نکل گئیں
- پولیس یونیفارم پہننے پر مریم نواز کیخلاف کارروائی ہونی چاہیے، یاسمین راشد
- قصور ویڈیو اسکینڈل میں سزا پانے والے 2 ملزمان بری کردیے گئے
- سپریم کورٹ نے اسپیکر بلوچستان اسمبلی عبدالخالق اچکزئی کو بحال کر دیا
- مرغی کی قیمت میں کمی کیلیے اقدامات کر رہے ہیں، وزیر خوراک پنجاب
- عوام کو کچھ نہیں مل رہا، سارا پیسہ سرکاری تنخواہوں میں دیتے رہیں گے؟ چیف جسٹس
- وزیراعلیٰ بننے کیلئے خود کو ثابت کرنا پڑا، آگ کے دریا سے گزر کر پہنچی ہوں، مریم نواز
- کلین سوئپ شکست؛ ویمنز ٹیم کی سلیکشن کمیٹی میں بڑی تبدیلیاں
- قومی اسمبلی کمیٹیاں؛ حکومت اور اپوزیشن میں پاور شیئرنگ کا فریم ورک تیار
- ٹرین میں تاریں کاٹ کر تانبہ چوری کرنے والا شخص پکڑا گیا
- غزہ کے اسپتالوں میں اجتماعی قبریں، امریکا نے اسرائیل سے جواب طلب کرلیا
نواز شریف کی سزا معطلی؛ عدالتی فیصلے کا احترام کرتے ہیں، وزیراعظم
اسلام آباد: وزیراعظم عمران خان نے نواز شریف کی سزا معطلی اور رہائی پر ردعمل میں کہا ہے کہ عدالتی فیصلے کا احترام کرتے ہیں۔
وزیراعظم عمران خان سعودی عرب کا دورہ مکمل کرکے وطن واپس پہنچ گئے۔ بنی گالہ میں وزیراعظم عمران خان کی زیر صدارت خصوصی مشاورتی اجلاس ہوا جس میں نواز شریف کی سزا معطلی کے فیصلے اور آئندہ کے لائحہ عمل پر غور کیا گیا۔ اس موقع پر وزیر خارجہ اور پی ٹی آئی کے وائس چیرمین شاہ محمود قریشی، وزیر خزانہ اسد عمر، وزیر انسانی حقوق شیریں مزاری، وزیراعظم کے مشیر نعیم الحق اور قانونی ماہر ڈاکٹر بابر اعوان موجود تھے۔
بابر اعوان نے وزیراعظم کو شریف خاندان کی رہائی سے متعلق معاملات پر بریفنگ دی اور عدالتی فیصلے کے قانونی نکات پر روشنی ڈالی۔ عدالتی فیصلے کے بعد پیدا ہونے والی سیاسی صورتحال اور نیب کی جانب سے سزا معطلی کے فیصلے کو چیلنج کرنے کے بیان پر بھی تبادلہ خیال کیا گیا۔
شرکا نے نواز شریف کی سزا کی معطلی سے متعلق تحریک انصاف کے بیانیہ اور آئندہ کی حکمت عملی پر بات چیت کی، جب کہ وزیراعظم کے سعودی عرب اور متحدہ عرب امارات کے دوروں کا جائزہ بھی لیا گیا اور دیگر اہم امور پر مشاورت کی گئی۔
ذرائع کے مطابق وزیراعظم عمران خان نے کہا کہ ادارے آزاد و خود مختار ہیں، ہم عدالتی فیصلوں کا احترام کرتے ہیں اور انتقام کی سیاست پر یقین نہیں رکھتے، حکومت عدالتی فیصلوں کو آئین و قانون کی نظر سے دیکھتی ہے، ادارے مضبوط ہوں گے تو ہر بااثر شخص کے خلاف کارروائی ہوگی، کرپشن اس ملک کا سب سے بڑا مسئلہ ہے اور ہمیں عام آدمی کی زندگی کو بہتر کرنے کے لئے اقدامات کرنے ہوں گے۔
اس خبر کو بھی پڑھیں : نواز شریف اور مریم کی رہائی کا حکم
گزشتہ روز اسلام آباد ہائی کورٹ نے سابق وزیر اعظم نواز شریف، ان کی بیٹی مریم نواز اور داماد کیپٹن (ر) صفدر کی ایون فیلڈ ریفرنس میں سزاؤں کو معطل کرتے ہوئے ان کی ضمانتیں منظور کرلیں اور انہیں رہا کرنے کا حکم دیا۔ تینوں افراد اڈیالہ جیل سے رہائی کے بعد لاہور میں اپنی رہائش گاہ جاتی امرا پہنچے جہاں ان کا شاندار استقبال کیا گیا۔
وفاقی وزیراطلاعات فواد چوہدری نے کہا تھا کہ عدالتوں کا مکمل احترام کرتے ہیں اور نواز شریف کی سزا معطلی کے فیصلے کا احترام بھی واجب سمجھتے ہیں، معاملہ آگے بڑھے گا اور قانون یقیناً اپنا راستہ خود بنائے گا۔
واضح رہے کہ نیب نے نواز شریف، مریم نواز اور کیپٹن (ر) صفدر کی سزاؤں کی معطلی کے فیصلے کو سپریم کورٹ میں چیلنج کرنے کا اعلان کیا ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔