پنجاب میں بھرتیوں پر پابندی، خالی اسامیوں کی تفصیلات طلب

پابندی کی وجہ سے محکمہ جنگلات،تعلیم، ہیلتھ اورسوشل ویلفیئرمیں درجہ چہارم کی جاری بھرتیوں پر بھی عمل درآمد روک دیاگیا۔

قیصر شیرازی اتوار 23 ستمبر 2018

پابندی کی وجہ سے محکمہ جنگلات،تعلیم، ہیلتھ اورسوشل ویلفیئرمیں درجہ چہارم کی جاری بھرتیوں پر بھی عمل درآمد روک دیاگیا۔ فوٹو: فائل

راولپنڈی: پنجاب حکومت نے صوبے بھر میں نئی بھرتیوں پر فوری پابندی لگادی۔

پنجاب حکومت نے صوبے بھرکے تمام 32 محکموں میں نئی بھرتیوں پر فوری پابندی لگادی، پابندی کی وجہ سے محکمہ جنگلات، تعلیم، ہیلتھ اورسوشل ویلفیئرمیں درجہ چہارم کی جاری بھرتیوں پر بھی عمل درآمد روک دیاگیا۔

قبل ازیں حکومت نے تمام اداروں کودرجہ چہارم ملازمین کی خالی تمام آسامیوں پرمیرٹ پر نئی بھرتیوں کی اجازت دی تھی،جس پر بھرتیاں شروع کردی گئیں تھیں۔