پی سی بی لیگز کے حوالے سے پالیسی پر نظر ثانی کرے گا

عباس رضا  منگل 25 ستمبر 2018
افغان ٹی ٹوئنٹی لیگ سے قبل کوئی حتمی فیصلہ کئے جانے کا امکان ہے۔ فوٹو: فائل

افغان ٹی ٹوئنٹی لیگ سے قبل کوئی حتمی فیصلہ کئے جانے کا امکان ہے۔ فوٹو: فائل

 لاہور: پی سی بی کی جانب سے لیگز کے حوالے سے پالیسی پر نظر ثانی کیے جانے کا امکان ہے۔

پاکستان کرکٹ بورڈ کی جانب سے لیگز کے حوالے سے پالیسی پر نظر ثانی کیے جانے کا امکان ہے جب کہ صرف ریٹائرڈ کرکٹرز کو این اوسی دینے کے معاملے پر از سر نو غور کیا جائے گا، سنٹرل کنٹریکٹ کے حامل پلیئرز کی سرگرمیاں بدستور محدود رہیں گی، شارجہ میں 5 اکتوبر سے شروع ہونے والی افغان ٹی ٹوئنٹی لیگ سے قبل کوئی حتمی فیصلہ کئے جانے کا امکان ہے۔

اس خبر کو بھی پڑھیں : پی سی بی کی لیگزمیں شرکت کی نئی پالیسی سے کرکٹرزغیریقینی صورت حال کا شکار

افغان ٹی ٹوئنٹی لیگ میں شرکت کے خواہاں کامران اکمل اور محمد عرفان پی سی بی کی جانب سے این او سی کے منتظر ہیں تاہم صرف ریٹائرڈ کرکٹرز کو اجازت دینے کی پالیسی آڑے آرہی ہے، قومی ٹیم میں جگہ نہ بنا پانے والے کھلاڑی، لیگز کے دروازے بھی بند کیے جانے پر تشویش میں مبتلا ہیں۔

ذرائع کے مطابق کھلاڑیوں کے تحفظات کو پیش نظر رکھتے ہوئے پی سی بی پالیسی پر نظر ثانی کرے گا، سنٹرل کنٹریکٹ کے حامل پلیئرز کی سرگرمیوں کو بدستور محدود رکھا جائے گا۔ نومبر میں شروع ہونے والی ٹی 10لیگ میں پاکستانی کرکٹرز کی شرکت کے معاملے کا بھی جائزہ لیا جائے گا۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔