- امریکی اکیڈمی آف نیورولوجی نے پاکستانی پروفیسر کو ایڈووکیٹ آف دی ایئر ایوارڈ سے نواز دیا
- کوہلو میں خراب سیکیورٹی کے باعث ری پولنگ نہیں ہوسکی
- 9 ماہ کے دوران 9.8 ارب ڈالر کا قرض ملا، وزارت اقتصادی امور ڈویژن
- نارووال: بارات میں موبائل فونز سمیت قیمتی تحائف کی بارش
- کراچی کے مختلف علاقوں میں زلزلے کے جھٹکے
- کوئٹہ: برلن بڈی بیئر چوری کے خدشے کے پیش نظر متبادل جگہ منتقل
- گجرات میں اسپتال کی چھت گرنے سے خاتون سمیت تین افراد جاں بحق
- سعودی فرمانروا طبی معائنے کیلیے اسپتال میں داخل
- امریکی سیکریٹری اسٹیٹ سرکاری دورے پر چین پہنچ گئے
- ہم یہاں اچھی کرکٹ کھیلنے آئے ہیں، جیت سے اعتماد ملا، مائیکل بریسویل
- پچھلے میچ کی غلطیوں سے سیکھ کر سیریز جیتنے کی کوشش کرینگے، بابراعظم
- امریکا میں ٹک ٹاک پر پابندی کا بل سینیٹ سے بھی منظور
- محمد رضوان اور عرفان خان کو نیوزی لینڈ کے خلاف آخری دو میچز میں آرام دینے کا فیصلہ
- کے ایم سی کا ٹریفک مسائل کو حل کرنے کیلئے انسداد تجاوزات مہم کا فیصلہ
- موٹروے پولیس اہلکار کو روندنے والی خاتون گرفتار
- ہندو جیم خانہ کیس؛ آپ کو قبضہ کرنے نہیں دیں گے، چیف جسٹس کا رمیش کمار سے مکالمہ
- بشری بی بی کو کچھ ہوا تو حکومت اور فیصلہ سازوں کو معاف نہیں کریں گے، حلیم عادل شیخ
- متحدہ وفد کی احسن اقبال سے ملاقات، کراچی کے ترقیاتی منصوبوں پر تبادلہ خیال
- کراچی میں سیشن جج کے بیٹے قتل کی تحقیقات مکمل،متقول کا دوست قصوروار قرار
- غزہ کے اسپتالوں میں اجتماعی قبروں نے اقوام متحدہ کو بھی خوفزدہ کردیا
تینوں کرکٹ فارمیٹس میں حصہ لینا چاہتا ہوں، عمرگل
کراچی: ٹیسٹ فاسٹ بولر عمرگل کا کہنا ہے کہ میں تینوں فارمیٹس میں پاکستان کی نمائندگی جاری رکھنا چاہتا ہوں۔
فٹ ہونے کے بعد بھرپور انداز سے کھیل میں واپس آئوں گا، چیمپئنز ٹرافی کے لیے پاکستانی اسکواڈ متوازن اور چیمپئن بننے کا اہل ہے، میری عدم موجودگی میں سامنے آنے والے پیسرز اچھی کارکردگی کا مظاہرہ کررہے ہیں، ٹیم میں جگہ بنانے کیلیے مسابقت کا ہونا پاکستان کرکٹ کیلیے خوش آئند ہے۔ غیرملکی ویب سائٹ کو انٹرویو میں عمرگل نے کہا کہ میں 9 مئی کو متاثرہ گھٹنے کی آرتھواسکوپی کے بعد بحالی فٹنس کے عمل سے گزر رہا ہوں، سرجری کے بعد ابتدائی3 ہفتوں تک عمومی مشقیں جاری رکھیں اور اب دوسرے مرحلے میں موجود ہوں، مجھے بتایاگیا ہے کہ سرجری کے 6 ہفتوں بعد رننگ اور بولنگ دوبارہ شروع کرپائوں گا، اپریل 2003 میں پاکستان کی جانب سے ڈیبیو کرنے والے عمرگل اب تک 215 مرتبہ ملک کی نمائندگی کرچکے ہیں، اس میں47ٹیسٹ، 116ون ڈے اور 52 ٹی 20 میچز شامل ہیں۔
دنیا کے دیگر فاسٹ بولرز انٹرنیشنل کیریئر کو طول دینے کیلیے کھیل کے ایک یا2 فارمیٹ سے کنارہ کشی اختیار کرچکے لیکن اس معاملے میں عمرگل کی سوچ مختلف ہے، انھوں نے کہا کہ میں ایسا کوئی ارادہ نہیں رکھتا،جب تک ممکن ہواکھیل کے تینوں فارمیٹس میں پاکستان کی نمائندگی کروں گا ، میں تواتر سے ملک کیلیے ہر طرز کی کرکٹ کھیلتا رہا ہوں اور اس میں کسی تبدیلی کا ارادہ بھی نہیں رکھتا،آرام کے اس عرصے کو اپنی صلاحیتیں بہتر بنانے کیلیے استعمال کروں گا، ٹیم میں جگہ بنانے کیلیے مسابقت پاکستان کرکٹ کے لیے فائدہ مند ہے، چیمپئنز ٹرافی کے حوالے سے انھوں نے کہا کہ پاکستانی اسکواڈ متوازن اور فاتح بن کر واپس آنے کی بھرپور صلاحیت رکھتا ہے، میرے لیے اس اہم ایونٹ میں شرکت نہ کرنا مایوس کن ہے،انگلینڈ میں میری پرفارمنس ہمیشہ اچھی رہی اور مجھے وہاں کھیلنا پسند ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔