کویتی وفد کا بیگ چرانے والا افسر معطل

ویب ڈیسک  اتوار 30 ستمبر 2018
ضرارحیدر پر الزام ہے کہ کویتی وفد کا دینار سے بھرا پرس چوری کرلیا تھا۔ :فوٹو:فائل

ضرارحیدر پر الزام ہے کہ کویتی وفد کا دینار سے بھرا پرس چوری کرلیا تھا۔ :فوٹو:فائل

 اسلام آباد: کویتی وفد کا دینار سے بھرا بیگ چوری کرنے والے اکنامک افیئر ڈویژن کے جوائنٹ سیکریٹری ضرار حیدر کو معطل کردیا گیا۔

ایکسپریس نیوز کے مطابق جمعے کی شام اقتصادی امور ڈویژن میں ہونے والے اجلاس میں شریک کویتی وفد کے سربراہ کا دینار سے بھرا بیگ چوری کرنے والے افسر ضرار حیدر کو معطل کردیا گیا جس کا نوٹی فکیشن جاری کردیا گیا۔

اس خبرکوبھی پڑھیں: سربراہ کویتی وفد کا بریف کیس چرانے والا 20 گریڈ کا افسر گرفتار

وزیر اطلاعات بیرسٹر فواد چوہدری نے بتایا کہ وفاقی حکومت نے اکنامک افیئر ڈویژن کے جوائنٹ سیکریٹری ضرار حیدر کو معطل کردیا ہے جب کہ اسٹیبلشمنٹ ڈویژن کو چوری کی باضابطہ تحقیقات کا حکم بھی دیا ہے۔

واضح رہے کہ ضرار حیدر اکنامک افیئر ڈویژن کے جوائنٹ سیکریٹری ہیں اور ان پر کویتی وفد کے سربراہ کا دینار سے بھرا پرس چوری کرنے کا الزام ہے جس پر انہیں گرفتار کیا جاچکا ہے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔