پاکستان اور بھارت کے کرکٹ بورڈز میں قانونی جنگ کا آغاز

اسپورٹس رپورٹر  پير 1 اکتوبر 2018
پی سی بی نے سابق چیئرمین نجم سیٹھی کوبھی یو اے ای طلب کرلیا ہے . فوٹو: فائل

پی سی بی نے سابق چیئرمین نجم سیٹھی کوبھی یو اے ای طلب کرلیا ہے . فوٹو: فائل

 لاہور:  پاکستان اور بھارتی کرکٹ بورڈز کے درمیان قانونی جنگ کا آغاز آج سے دبئی میں ہوگا۔

بھارت ایف ٹی پی میں مجوزہ باہمی سیریز کھیلنے سے بدستور راہ فرار اختیار کیے ہوئے ہے، آئی سی سی کے مائیکل بیلوف جان پالیسن اورانبیلے بینٹ یکم سے3 اکتوبرتک آئی سی سی ہیڈکوارٹر میں کیس کی سماعت کریں گے۔

پی سی بی نے سابق چیئرمین نجم سیٹھی کوبھی یو اے ای طلب کرلیا ہے وہ بطورگواہ پیش ہوں گے، ایڈووکیٹ سپریم کورٹ خواجہ احمد حسان اورپی سی بی کے جی ایم لیگل ڈیپارٹمنٹ سلمان نصیرکے ساتھ 2 برطانوی الیگزینڈر پینیادیس اور ابراہیم حسن پاکستان کرکٹ بورڈ کی 4 رکنی لیگل ٹیم کا حصہ ہوں گے۔

چیئرمین پی سی بی احسان مانی کے مطابق جب تنازعہ سامنے آیا، اگر اس وقت میں ہوتا تو اسے مل بیٹھ کرحل کرنے کی کوشش کرتا،اب معاملات دور پہنچ چکے اوراسے میز پر بیٹھ کر دوستانہ اندازمیں حل کرنے کا وقت نہیں رہا۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔