- امریکا نے اقوام متحدہ میں فلسطین کی مستقل رکنیت کی قرارداد ویٹو کردی
- وزیراعظم کا اسمگلنگ کے خاتمے کے لیے ملک گیر مہم تیز کرنے کا حکم
- جی-7 وزرائے خارجہ کا اجلاس؛ غزہ میں جنگ بندی کا مطالبہ
- پنڈی اسٹیڈیم میں بارش؛ بھارت نے چیمپیئنز ٹرافی کی میزبانی پر سوال اٹھادیا
- اس سال ہم بھی حج کی نگرانی کرینگے شکایت ملی تو حکام کو نہیں چھوڑیں گے، اسلام آباد ہائیکورٹ
- بشریٰ بی بی کو کھانے میں ٹائلٹ کلینر ملا کر دیا گیا، عمران خان
- عمران خان اور بشریٰ بی بی کی درخواستیں منظور، طبی معائنہ کروانے کا حکم
- حملے میں کوئی نقصان نہیں ہوا، تمام ڈرونز مار گرائے؛ ایران
- 25 برس مکمل، علیم ڈار دنیائے کرکٹ کے پہلے امپائر بن گئے
- قومی اسمبلی: جمشید دستی اور اقبال خان کے ایوان میں داخلے پر پابندی
- کراچی میں غیرملکیوں کی گاڑی پر حملہ، خودکش بمبار کی شناخت
- مولانا فضل الرحمٰن کو احتجاج کرنا ہے تو کے پی میں کریں ، بلاول بھٹو زرداری
- کراٹے کمبیٹ 45؛ شاہ زیب رند نے ’’بھارتی کپتان‘‘ کو تھپڑ دے مارا
- بلوچستان کابینہ کے 14 وزراء نے حلف اٹھا لیا
- کینیا؛ ہیلی کاپٹر حادثے میں آرمی چیف سمیت 10 افسران ہلاک
- قومی و صوبائی اسمبلی کی 21 نشستوں کیلیے ضمنی انتخابات21 اپریل کو ہوں گے
- انٹرنیٹ بندش کا اتنا نقصان نہیں ہوتا مگر واویلا مچا دیا جاتا ہے، وزیر مملکت
- پی ٹی آئی کی لیاقت باغ میں جلسہ کی درخواست مسترد
- پشاور میں صحت کارڈ پر دوائیں نہ ملنے کا معاملہ؛ 15 ڈاکٹرز معطل
- پہلا ٹی20؛ عماد کو پلئینگ الیون میں کیوں شامل نہیں کیا؟ سابق کرکٹرز کی تنقید
ٹی 10 لیگ پی سی بی کے گلے کی ہڈی بن گئی
کراچی: ٹی10لیگ پی سی بی کے گلے کی ہڈی بن گئی جب کہ حکام پر پلیئرزکوریلیزکرنے اور نہ کرنے دونوں حوالے سے دباؤ موجود ہے۔
ٹی10 لیگ نے پاکستان کرکٹ بورڈ کو مشکل کا شکار کر دیا ہے، حکام پر پلیئرز کو ریلیز کرنے اور نہ کرنے دونوں حوالے سے دبائو موجود ہے، گزشتہ برس پہلے ایونٹ کے دوران ایک پی ایس ایل فرنچائز اونر لیگ سے منسلک تھے، اب وہ سنگین الزامات لگاتے ہوئے الگ ہو چکے۔
دوسری جانب پہلے ایونٹ کا مخالف ایک اور میڈیاگروپ اب لیگ کو بھرپور سپورٹ کر رہا ہے، کھلاڑیوں کی جانب سے بھی این او سی کیلیے درخواستیں موصول ہو رہی ہیں، پہلے ہی افغان لیگ کیلیے کسی موجودہ کرکٹر کو ریلیز نہیں کیا گیا، اب بھی نہ بھیجنے پر وہ مزید تلملائیں گے۔
چیئرمین پی سی بی احسان مانی نے گزشتہ دنوں ٹی ٹین لیگ کیلیے ماضی میں پلیئرزکو ریلیز کرنے پر حیرت ظاہر کرتے ہوئے معاملات خود دیکھنے کا اعلان کیا تھا، وہ اب تک کسی فیصلے پر نہیں پہنچ سکے ہیں، ان دنوں انگلینڈ میں موجود چیئرمین پیر کو لاہور واپسی کے بعد ہی کوئی قدم اٹھائیں گے،البتہ پی ایس ایل فرنچائزز کھلاڑیوں کو لیگ میں شرکت کی اجازت دینے کے حق میں نہیں ہیں۔
ادھر منتظمین یہ اعلان کر چکے کہ آئی سی سی نے ایونٹ کو کلین چٹ دیدی اسکے باوجود پی سی بی کیلیے چند روز قبل مخالفت اور اب حمایت کا فیصلہ آسان نہیں ہے، اس بار اسے6 لاکھ ڈالرز دینے کا کہا گیا ہے۔
ذرائع نے مزید بتایا کہ اب تک کی اطلاعات کے مطابق زیرمعاہدہ کسی کھلاڑی کو ایونٹ کیلیے ریلیز نہیں کیا جائیگا، البتہ دبائو زیادہ بڑھنے پر بورڈ نے فیصلہ تبدیل کیا تو اور بات ہے۔
یاد رہے کہ ٹی ٹین لیگ23 نومبر سے2 دسمبر تک شارجہ میں ہوگی، اس دوران پاکستانی ٹیم نیوزی لینڈ سے یو اے ای میں ہی ٹیسٹ سیریز کھیل رہی ہوگی لہذا کئی کھلاڑی ویسے ہی ایونٹ کا حصہ نہیں بن سکیں گے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔