دنیا کی مہنگی ترین مچھلی کروڑوں روپے میں فروخت

ویب ڈیسک  جمعـء 5 اکتوبر 2018
مچھلی کی نیلامی ہیروشیما میں ہوئی،فوٹو: سوشل میڈیا

مچھلی کی نیلامی ہیروشیما میں ہوئی،فوٹو: سوشل میڈیا

ہیروشیما: جاپان میں ایک  ’کوئی کارپ‘ مچھلی 14 لاکھ یورو(قریباً 20 کروڑ پاکستانی روپوں) میں فروخت ہوکر دنیا کی مہنگی ترین مچھلی بن گئی۔ 

بین الاقوامی میڈیا رپورٹس کے مطابق 3 فٹ 3 انچ والی مچھلی کو ایک ملین یورو میں تائیوان سے خریدا گیا تھا جس کے بعد اس کے مالک نے اسے نیلام کرنے کا فیصلہ کیا تھا۔

سفید اور لال رنگ والی اس قیمتی مچھلی کو چاپان کے شہر ہیروشیما کے ایک فارم ہاؤس میں نیلامی کے لیے پیش کیا گیا جہاں مختلف خریداروں نے بولیاں لگائیں۔

ایک خریدار نے مچھلی کی ریکارڈ 14 ملین یورو قیمت لگائی اور دنیا کی مہنگی ترین مچھلی خرید لی، اس قیمتی مچھلی کی نیلامی کے لیے سوشل میڈیا پر بھی تصاویر شیئر کی گئی تھیں جس میں مقامی افراد نے گہری دلچسپی لی تھی۔

کوئی کارپ مچھلی زیادہ تر جاپان میں پائی جاتی ہے اور اس کی درجنوں اقسام ہیں،جاپان ’کوئی ‘ نسل کی 90فیصد پیداوار کرتا ہے  اور اس نے صرف 2016 میں 295 ٹن کی ریکارڈ برآمد کرکے 28ملین یورو آمدنی حاصل کی تھی۔ ان مچھلیوں کو آرائش کے لیے رکھا جاتا ہے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔