- انٹربینک اور اوپن مارکیٹ میں ڈالر کی نسبت روپیہ تگڑا
- حکومت نے 2000 کلومیٹر تک استعمال شدہ گاڑیاں درآمد کرنے کی اجازت دیدی
- کراچی: ڈی آئی جی کے بیٹے کی ہوائی فائرنگ، اسلحے کی نمائش کی ویڈیوز وائرل
- انوار الحق کاکڑ، ایمل ولی بلوچستان سے بلامقابلہ سینیٹر منتخب
- جناح اسپتال میں خواتین ڈاکٹروں کو بطور سزا کمرے میں بند کرنے کا انکشاف
- کولیسٹرول قابو کرنیوالی ادویات مسوڑھوں کی بیماری میں مفید قرار
- تکلیف میں مبتلا شہری کے پیٹ سے زندہ بام مچھلی برآمد
- ماہرین کا اینڈرائیڈ صارفین کو 28 خطرناک ایپس ڈیلیٹ کرنے کا مشورہ
- اسرائیل نے امن کا پرچم لہرانے والے 2 فلسطینی نوجوانوں کو قتل کردیا
- حکومت نے آٹا برآمد کرنے کی مشروط اجازت دے دی
- سائفر کیس میں امریکی ناظم الامور کو نہ بلایا گیا نہ انکا واٹس ایپ ریکارڈ لایا گیا، وکیل عمران خان
- سندھ ہائیکورٹ میں جج اور سینئر وکیل میں تلخ جملوں کا تبادلہ
- حکومت کا ججز کے خط کے معاملے پر انکوائری کمیشن بنانے کا اعلان
- زرمبادلہ کے سرکاری ذخائر 8 ارب ڈالر کی سطح پر مستحکم
- پی ٹی آئی کا عدلیہ کی آزادی وعمران خان کی رہائی کیلیے ریلی کا اعلان
- ہائی کورٹ ججز کے خط پر چیف جسٹس کی زیرصدارت فل کورٹ اجلاس
- اسلام آباد اور خیبر پختون خوا میں زلزلے کے جھٹکے
- حافظ نعیم کی کامیابی کا نوٹیفکیشن جاری نہ کرنے پر الیکشن کمیشن کو نوٹس
- خیبر پختونخوا کے تعلیمی اداروں میں موسم بہار کی تعطیلات کا اعلان
- اسپیکر کے پی اسمبلی کو مخصوص نشستوں پر منتخب اراکین سے حلف لینے کا حکم
اجناس کی عالمی قیمتوں میں گزشتہ ہفتے ملا جلا رجحان
لندن: اجناس کی عالمی قیمتوں میں گزشتہ ہفتے ملاجلا رجحان رہا، خام تیل کی قیمتوں میں اتارچڑھاؤ کے بعد اضافے کا رجحان رہا، کاروباری ہفتے کے آخری روز جمعہ تک لندن کی انٹرکانٹینینٹل ایکسچینج میں برینٹ نارتھ سی کروڈ کی جولائی میں فراہمی کے لیے قیمت 101.06 ڈالر سے بڑھ کر 104.68 ڈالر فی بیرل پر آگئی۔
نیویارک مرکنٹائل ایکسچینج میں ویسٹ ٹیکساس انٹرمیڈیٹ (ڈبلیوٹی آئی) یا لائٹ سوئٹ کروڈ کی جولائی میں ترسیل کے لیے قیمت ایک ہفتے میں 92.67 ڈالر سے بڑھ کر 96.14 ڈالر فی بیرل پر آگئی، اس طرح خام تیل کی قیمتوں میں کم وبیش 3.5 ڈالر فی بیرل کا اضافہ ہوا، قیمتی دھاتوں کے لیے گزشت ہفتے صورتحال ملی جلی رہی، لندن بلین مارکیٹ میں سونے کی قیمت ایک ہفتے کے دوران 8.5 ڈالر کی کمی کے نتیجے میں 1394.50 ڈالر سے گھٹ کر 1386 ڈالر فی اونس ہوگئی جبکہ چاندی کی قیمت 3سینٹ کے معمولی اضافے سے 22.57 ڈالر سے بڑھ کر 22.60 ڈالر فی اونس ہوگئی، لندن پلاٹینم وپلاڈیم مارکیٹ میں پلاٹینم کی قیمت ایک ہفتے میں 46 ڈالر اضافے کے ساتھ 1459 ڈالر سے بڑھ کر1505 ڈالر فی اونس ہوگئی جبکہ پلاڈیم کی قیمت 10ڈالر بڑھ کر 754 ڈالر ہوگئی جو ایک ہفتے قبل744ڈالر فی اونس تھی۔
صنعتی دھاتوں کی قیمتوں میں بھی گزشتہ ہفتے اتارچڑھاؤ آیا، لندن میٹل ایکسچینج میں تانبے کی 3ماہ کے اندر سپلائی کے لیے قیمت 25ڈالر کی کمی سے 7270 ڈالر سے گھٹ کر 7245 ڈالر فی ٹن ہوگئی، ایلومینیم کی قیمت ایک ہفتے میں51ڈالر فی ٹن بڑھی جس کی وجہ سے قیمت 1902 سے 1953ڈالر فی ٹن ہوگئی، لیڈ کے نرخ میں کمی آئی اور ایک ہفتے میں قیمت 2183 ڈالر سے گھٹ کر 2168.50 ڈالر فی ٹن ہوگئی، ٹین کی قیمت 20900 سے بڑھ کر 21ہزار ڈالر فی ٹن ہوگئی جبکہ کلئی کے نرخ بھی 14670 ڈالر سے بڑھ کر 15050 ڈالر فی ٹن ہوگئے۔
جست کی قیمت 1912 سے گھٹ کر 1908.25 ڈالر فی ٹن ہوگئی، چینی کی قیمتوں میں گزشتہ ہفتے کمی ہوئی، خام چینی کی قیمت ایک ہفتے میں 16.72 سینٹ سے گھٹ کر 16.68 سینٹ فی پاؤنڈ ہوگئی جبکہ سفید چینی کی قیمت 479.80 ڈالر سے کم ہو کر 479 ڈالر فی ٹن ہوگئی، گزشتہ ہفتے مکئی اور گندم کی قیمتوں میں استحکام رہا۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔