رکن قومی اسمبلی نواب وسان ضمانت مسترد ہونے پر عدالت سے فرار

خیر پور:   پیپلزپارٹی کے رکن قومی اسمبلی نواب وسان خان ضمانت مسترد ہونے پر انسداد دہشت گردی کی عدالت سے فرار ہوگئے۔

نواب وسان خان کے خلاف 11مئی کے دن ایک شخص کو قتل کرنے اور 16افراد کو زخمی کرنے کا مقدمہ چل رہا تھا ، نواب وسان کے عدالت سے فرار ہونے پر مقتول کے ورثا نے عدالت کے سامنے احتجاج کیا اور بازار بند کرادیے۔ مقدمے کے اندراج کے بعد نواب وسان خان نے سندھ ہائی کورٹ سے عبوری ضمانت کرائی تھی ۔ ہفتے کو نواب وسان خان پیشی پر ضمانت کنفرم کرانے پہنچے تو عدالت نے ضمانت مسترد کردی۔