- اسمگلنگ کا قلع قمع کرکے خطے کو امن کا گہوارہ بنائیں گے ، شہباز شریف
- پاکستان میں دراندازی کیلیے طالبان نے مکمل مدد فراہم کی، گرفتار افغان دہشتگرد کا انکشاف
- سعودی دارالحکومت ریاض میں پہلا شراب خانہ کھول دیا گیا
- موٹر وے پولیس اہل کار کو ٹکر مارنے والی خاتون جوڈیشل ریمانڈ پر جیل روانہ
- کراچی میں رینجرز ہیڈ کوارٹرز سمیت تمام عمارتوں کے باہر سے رکاوٹیں ہٹانے کا حکم
- اوگرا کی تیل کی قیمتیں ڈی ریگولیٹ کرنے کی تردید
- منہدم نسلہ ٹاور کے پلاٹ کو نیلام کر کے متاثرہ رہائشیوں کو پیسے دینے کا حکم
- مہنگائی کے باعث لوگ اپنے بچوں کو فروخت کرنے پر مجبور ہیں، پشاور ہائیکورٹ
- کیا عماد، عامر اور فخر کو آج موقع ملے گا؟
- سونے کی قیمتوں میں معمولی اضافہ
- عمران خان، بشریٰ بی بی کو ریاستی اداروں کیخلاف بیان بازی سے روک دیا گیا
- ویمنز ٹیم کی سابق کپتان بسمہ معروف نے ریٹائرمنٹ کا اعلان کردیا
- امریکی یونیورسٹیز میں ہونے والے مظاہروں پر اسرائیلی وزیراعظم کی چیخیں نکل گئیں
- پولیس یونیفارم پہننے پر مریم نواز کیخلاف کارروائی ہونی چاہیے، یاسمین راشد
- قصور ویڈیو اسکینڈل میں سزا پانے والے 2 ملزمان بری کردیے گئے
- سپریم کورٹ نے اسپیکر بلوچستان اسمبلی عبدالخالق اچکزئی کو بحال کر دیا
- مرغی کی قیمت میں کمی کیلیے اقدامات کر رہے ہیں، وزیر خوراک پنجاب
- عوام کو کچھ نہیں مل رہا، سارا پیسہ سرکاری تنخواہوں میں دیتے رہیں گے؟ چیف جسٹس
- وزیراعلیٰ بننے کیلئے خود کو ثابت کرنا پڑا، آگ کے دریا سے گزر کر پہنچی ہوں، مریم نواز
- کلین سوئپ شکست؛ ویمنز ٹیم کی سلیکشن کمیٹی میں بڑی تبدیلیاں
فارنسک لیبارٹری ساحل سمندر کے قریب منتقل کرنے کا فیصلہ
کراچی: سندھ پولیس کے محکمے فازنسک ڈویژن کو جیکسن تھانے کے قریب واقع نئی زیر تعمیر عمارت میں منتقل کرنے کے فیصلے پر فارنسک ڈویژن کے عملے میں تشویش کی لہر ڈور گئی،فارنسک ڈویژن کی عمارت اسپیشل انویسٹی گیشن یونٹ ایس آئی یو کو دی جارہی ہے منتقلی کے فیصلے سے غیر ملکی امدادی ادارے بھی تشویش میں مبتلا ہیں۔
فارنسک ماہرین کے مطابق جس مقام پر فارنسک لیباریٹری منتقل کی جا رہی ہے وہ مقام ساحل سمندر کے قریب ہے اور ہوا میں نمی کا تناسب زیادہ ہونے کی وجہ سے کروڑوں روپے مالیت کے حساس فارنسک آلات کی خرابی کا خدشہ ہے،سندھ پولیس کے اعلیٰ افسران نے فارنسک ڈویژن سندھ کو جیکسن تھانے کے قریب واقع نئی زیر تعمیر عمارت منتقل کرنے کے فیصلہ کیا ہے اس سلسلے میں قائم مقام اے آئی جی فارنسک اشفاق عالم کو ہدایت کردی گئی ہے منتقلی کے فیصلے کے بعد فارنسک ڈویژن کے افسران اور اہلکاروں نے نئی عمارت کا معائنہ کرکے منتقلی کی تیاریاں شروع کردی ہیں دوسری جانب فارنسک ڈویژن سندھ کی منتقلی کے فیصلے نے غیر ملکی امدادی اداروں کو تشویش میں مبتلا کردیا ہے جن کے کروڑوں روپے کی امداد سے فارنسک ڈویژن سندھ میں مختلف سائونڈ پروف ، بلٹ پروف اور سینٹرل اے سی سمیت انتہائی اہم لیبارٹریاں قائم ہیں جہاں حساس نوعیت کے کئی قیمتی فارنسک آلات نصب ہیں جنھیں ایک مقام سے دوسرے مقام پر منتقل کرنا انتہائی مشکل مرحلہ ہوگا اور اس مرحلے میں قیمتی آلات کے ٹوٹ پھوٹ کا خدشہ ہے۔
جبکہ فارنسک ڈویژن میں غیر ملکی ڈونر کی مدد سے حال ہی میں20 لاکھ روپے کی مالیت سے فائرنگ چیمبر آپریشنل کیا گیا ہے جس میں5 ٹن سے زائد وزنی اسٹیل کا بلٹ ریکوری واٹر ٹینک بنایا گیا ہے جسے نئی عمارت میں دوسری منزل پر منتقل کرنا انتہائی مشکل ہوگا جبکہ فارنسک ڈویژن سندھ میں وہیکل ایگزامنیشن شیڈ بھی تیار ہے،ذرائع کے مطابق فارنسک ڈویژن کی منتقلی کا فیصلہ نہ صرف ڈویژن کو تباہ کرنے بلکہ غیر ملکی امدادی اداروں کی دی گئی امداد سے لگائے گئے آلات کو تباہ کرنے اور غیر ملکی ڈونرز کو بھگانے کے مترادف ہے، جس جگہ فارنسک ڈویژن منتقل کیا جا رہا ہے وہ مقام ساحل سمندر سے قریب ہونے کی وجہ سے وہاں نمی کا تناسب زیادہ ہے جو جدید آلات کو خراب کردے گا۔
فارنسک کے تمام آلات میں قیمتی لینس لگے ہیں اور ان لینس کی مالیت لاکھوں روپے ہوتی ہے نمی سے لینس فوری خراب ہو نیکاخدشہ ہے، فارنسک ڈویژن سندھ کو جس عمارت میں منتقل کیا جارہا ہے وہ بیرک نما عمارت لیباریٹریوں اور دیگر آلات کے لیے کارآمد نہیں ہے، قائم مقام اے آئی جی فارنسک ڈویژن اشفاق عالم نے اس حوالے سے بتایا کہ انھیں فارنسک ڈویژن کی منتقلی کی ہدایات مل گئی ہے تاہم نوٹیفکیشن موصول نہیں ہوا ہے انھوں نے بتایا کہ فیکٹ فائنڈنگ رپورٹ تیار کرنے کی ہدایت کی گئی ہے، رپورٹ آئی جی کو ارسال کی جائے گی جو منتقلی سے متعلق حتمی فیصلہ کریں گے ،سابق آئی جی فیاض لغاری کے دور میں بھی فارنسک ڈویژن کی منتقلی کا فیصلہ کیا گیا تھا جو بعدازاں موخر کردیا گیا تھا۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔