- پولر آئس کا پگھلاؤ زمین کی گردش، وقت کی رفتار سست کرنے کا باعث بن رہا ہے، تحقیق
- سندھ میں کتوں کے کاٹنے کی شکایت کیلئے ہیلپ لائن 1093 بحال
- کراچی: ڈکیتی کا جن قابو کرنے کیلیے پولیس کا ایکشن، دو ڈاکو ہلاک اور پانچ زخمی
- کرپٹو کے ارب پتی ‘پوسٹربوائے’ کو صارفین سے 8 ارب ڈالر ہتھیانے پر 25 سال قید
- گٹر میں گرنے والے بچے کی والدہ کا واٹر بورڈ پر 6 کروڑ ہرجانے کا دعویٰ
- کرپٹو کرنسی فراڈ اسکینڈل میں سام بینک مین فرائڈ کو 25 سال قید
- کراچی، تاجر کو قتل کر کے فرار ہونے والی بیوی آشنا سمیت گرفتار
- ججز کے خط کی انکوائری، وفاقی کابینہ کا اجلاس ہفتے کو طلب
- امریکا میں آہنی پل گرنے کا واقعہ، سمندر سے دو لاشیں نکال لی گئیں
- خواجہ سراؤں نے اوباش لڑکوں کے گروہ کے رکن کو پکڑ کر درگت بنادی، ویڈیو وائرل
- پی ٹی آئی نے ججز کے خط پر انکوائری کمیشن کو مسترد کردیا
- عدالتی امور میں ایگزیکٹیو کی مداخلت کسی صورت برداشت نہیں کی جائے گی، فل کورٹ اعلامیہ
- وفاقی حکومت نے کابینہ کی ای سی ایل کمیٹی کی تشکیل نو کردی
- نوڈیرو ہاؤس عارضی طور پر صدرِ مملکت کی سرکاری رہائش گاہ قرار
- یوٹیوبر شیراز کی وزیراعظم شہباز شریف سے ملاقات
- حکومت کا بجلی کی پیداواری کمپنیوں کی نجکاری کا فیصلہ
- بونیر میں مسافر گاڑی کھائی میں گرنے سے ایک ہی خاندان کے 8 افراد جاں بحق
- بجلی 2 روپے 75 پیسے فی یونٹ مہنگی کردی گئی
- انٹربینک اور اوپن مارکیٹ میں ڈالر کی نسبت روپیہ تگڑا
- حکومت نے 2000 کلومیٹر تک استعمال شدہ گاڑیاں درآمد کرنے کی اجازت دیدی
فکسنگ کا داغ؛ بھارتی بورڈ نے آپریشن کلین اپ کا اعلان کردیا
نئی دہلی: بھارتی کرکٹ بورڈ نے آئی پی ایل کی ساکھ بحال کرنے کیلیے آپریشن کلین اپ کا اعلان کردیا۔
بدنامی کے داغ دھونے کے لیے 12 اقدامات کیے جائیں گے، چیئرلیڈرز اور میچز کے بعد کی پارٹیز پر پابندی عائد کردی گئی، پلیئرزڈگ آؤٹ اور ڈریسنگ روم میں مالکان کا داخلہ بند کردیا گیا، میچز کے دوران موبائل سنگلز جام کردیے جائیں گے، ٹورنامنٹ سے قبل تمام کھلاڑی، اسٹاف اور مالکان اپنے فون نمبرز بورڈ کو جمع کرائیں گے۔ تفصیلات کے مطابق بھارتی کرکٹ بورڈ نے انڈین پریمیئر لیگ کی ساکھ دوبارہ بحال کرنے کیلیے سخت ترین فیصلے کیے ہیں، اس سلسلے میں 12 اقدامات کا اعلان کیا گیا ہے۔
گذشتہ روز بی سی سی آئی کے قائم مقام صدر جگموہن ڈالمیا کی سربراہی میں ورکنگ کمیٹی کا اجلاس ہوا جس میں ان اقدامات کی منظوری دی گئی، اسے آپریشن کلین اپ کا نام دیا گیا ہے، آئی پی ایل کی رنگینی ختم کرکے اس کو صرف خالصتاً ایک کرکٹ ایونٹ بنانے کا فیصلہ کیا گیا ہے۔ آپریشن کلین اپ کے تحت چیئرلیڈرز پر پابندی عائد کردی گئی ہے، میچز کے بعد پلیئرز اور اسٹاف کے لیے پارٹیز بھی اب نہیں ہوں گی۔ کھلاڑیوں، سپورٹ اسٹاف اور فرنچائز مالکان کے لیے سخت ترین کوڈ آف کنڈکٹ نافذ العمل ہوگا۔ پلیئرز ڈگ آؤٹ اور ڈریسنگ روم میں غیرمتعلقہ افراد کی آزادانہ نقل و حرکت روک دی گئی ہے، مالکان بھی اب نہ تو ڈریسنگ روم میں جاسکیں گے اور نہ ہی وہ ڈگ آؤٹ میں انھیں جوائن کرسکیں گے۔
انڈین پریمیئر لیگ کا آغاز ہونے سے قبل اس میں شریک تمام کھلاڑیوں اور سپورٹنگ اسٹاف کو اپنے موبائل نمبرز سے بھارتی کرکٹ بورڈ کو آگاہ کرنا ہوگا۔ ٹیم ہوٹلوں اور گراؤنڈز میں اینٹی کرپشن و سیکیورٹی یونٹ کے افسران موجود اور وہ تمام کھلاڑیوں اور دیگر سپورٹ اسٹاف و آفیشلز پر نظر رکھیں گے۔ میچ کے دوران گراؤنڈ میں موبائل فون ٹاورز کو جام کردیا جائے گا۔ باقاعدگی سے کپتانوں کی میٹنگز منعقد ہوں گی تاکہ ان کی تجاویز سے بہترحکمت عملی تیار کی جاسکے۔
کوئی بھی قومی سلیکٹر کسی بھی حیثیت سے آئی پی ایل فرنچائز کے ساتھ کام نہیں کرسکے گا۔ تمام پلیئرز کو کسی بھی آرگنائزیشن یا شخص سے رقوم کی لین دین سے بورڈ کو آگاہ رکھنا ہوگا۔ ایونٹ کے آغاز سے قبل فرنچائزز اپنے تمام پلیئرز اور کوچنگ اسٹاف کے ساتھ کیے جانے والے معاہدے اور ان کو کی جانے والی ادائیگیوں کی تفصیلات سے بورڈ کو آگاہ کرنا ہوگا۔
کھلاڑیوں کے لیے ایئر اور مائیکروفون کا استعمال سختی سے ممنوع قرار دے دیا گیا ہے۔ جلد ہی ایک سیکیورٹی کنٹرول پالیسی کو حتمی شکل دے دی جائے گی۔یاد رہے کہ آئی پی ایل آغاز سے ہی مختلف تنازعات میں الجھی رہی ہے گذشتہ سیزن میں ایک نجی ٹی وی کی جانب سے کیے جانے والے اسٹنگ آپریشن میں بھی بعض پلیئرز نے فکسنگ کے ساتھ ٹیم مالکان کے حوالے سے بھی انکشافات کیے تھے مگر بی سی سی آئی نے انھیں معمولی سزائیں دے کر معاملہ دبا دیا تھا جس کا نتیجہ اس بار اور بھی خوفناک صورت میں سامنے آیا۔ راجستھان رائلز کے تین کھلاڑی شری شانتھ، انکیت ساون اور چنڈیلا کو جیل جانا پڑا۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔