- وزیراعظم نے کُل جماعتی کانفرنس بلالی، عمران خان کو بھی شرکت کی دعوت
- ملکی برآمدات میں 7.16 فیصد کمی
- جواد سہراب ملک وزیراعظم کے معاون خصوصی مقرر
- حکومت کی ناقص پالیسیوں کی وجہ سے ملک بھرمیں 80 فیصد اینٹوں کے بھٹے بند
- مزاحمت پر ڈاکوؤں کی فائرنگ سے زخمی نوجوان شرجیل دم توڑ گیا
- ملکی زرمبادلہ کے ذخائر دس سال کی کم ترین سطح پر آگئے
- چالان کیوں کیا؟ لاہور میں درجن بھر افراد کا ٹریفک اہلکاروں پر تشدد
- گاڑی روکنے پرخاتون کی ڈی ایس پی ٹریفک سے بدتمیزی، تھپڑ مار دیا
- ہماری خوش قسمتی ہے اس بار کوئٹہ گلیڈی ایٹرز میں اچھے کھلاڑی ہیں، سرفراز احمد
- 90 روز میں انتخابات نہ کرائے تو نگراں وزرائے اعلیٰ پر آرٹیکل 6 لگے گا، فواد چوہدری
- مزید 3 فارماسیوٹیکل کمپنیز نے پاکستان سے کاروبار بند کرنے کی تیاری شروع کردی
- ڈالر کی پرواز جاری، پہلی بار انٹربینک قیمت 271 روپے تک پہنچ گئی
- شیخ رشید دو روزہ جسمانی ریمانڈ پر پولیس کے حوالے
- بیرسٹر شہزاد عطا الہٰی اٹارنی جنرل آف پاکستان تعینات
- پاک فضائیہ کے 8 افسران کی ائیر وائس مارشل کے عہدے پر ترقی
- چینی کمپنی نے 9 کروڑ ڈالر کے بقدر نوٹوں کا پہاڑ، ملازمین میں بانٹ دیا
- دباؤ والے دستانے جو مردہ بچوں کی پیدائش کم کرسکتے ہیں
- گھرکے کمرے کو فلمی سیٹ بنانے والی آسان ایپ
- ایف آئی اے نے ’عمران ریاض کو حراست‘ میں لے کرسائبر کرائم کے حوالے کردیا
- توقع ہے کابل پاکستان اور عالمی برادری سے اپنے وعدے پورے کرے گا، ترجمان دفتر خارجہ
موٹر سائیکلوں پر پولیس مونو گرام والی نمبر پلیٹ کا استعمال جاری
سینٹرل پولیس آفس کے قریب پارکنگ میں کھڑی موٹرسائیکل پر پولیس نمبر پلیٹ لگی ہوئی ہے ایسی موٹرسائیکلیں مبینہ طور پر اسٹریٹ کرائم اوردیگر غیر قانونی کاموں کیلیے استعمال کی جارہی ہیں ۔ فوٹو : ایکسپریس
کراچی: سندھ پولیس کے ترجمان ایس ایس پی ایسٹ عمران شوکت کی جانب سے چند ماہ قبل شہریوں کو ہدایت کی گئی تھی کہ وہ اپنی موٹر سائیکلوں پر محکمہ ایکسائز کی جانب سے جاری کی جانے والی نمبر پلیٹ کے طرز کی نمبر پلیٹیں لگالیں۔
بصورت دیگر انھیں دہشت گردوں کا ’’ ہمدرد یا ساتھی‘‘ تصور کیا جائے گا تاہم سندھ پولیس کے ترجمان ایسی موٹر سائیکل سواروں کیخلاف تاحال کسی بھی قسم کی کارروائی سے قاصر ہیں جنھوں نے اپنی موٹر سائیکل پر پولیس کے رنگ اور مونو گرام والی نمبر پلیٹ لگائی ہوئی ہیں اور وہ شہر کی سڑکوں پر نہ صرف رواں دواں ہیں بلکہ اسی طرح کی نمبر پلیٹیں لگی ہوئی موٹر سائیکلوں پر اسٹریٹ کرائم کی وارداتوں کے ساتھ ساتھ گٹکے کی سپلائی کا کام بھی جاری ہے۔
شہری حلقوں کا کہنا ہے کہ ایس ایس پی ایسٹ عمران شوکت نے محکمہ ایکسائز کی طرز کی نمبر پلیٹیں نہ لگانے پر شہریوں کو تو دہشت گردوں کا ساتھی اور ہمدرد قرار دینے میں کوئی لحاظ نہیں کیا تو آخر پولیس کے رنگ کی نمبر پلیٹ اور مونو گرام والی موٹر سائیکلوں کے خلاف کارروائی کرنے میں کیوں خاموشی اختیار کی ہوئی ہے اس لیے کہ وہ ان کے پیٹی بند بھائی چلا رہے ہیں یا وہ صرف شہریوں پر ہی اپنا رعب جمانا چاہتے ہیں۔
عمران شوکت نے شہریوں کو جب مشورہ دیا تھا کہ وہ گاڑیوں پر فینسی نمبر پلیٹ کے بجائے محکمہ ایکسائز کی جانب سے جاری کی جانے والی اصل نمبر پلیٹ اور موٹر سائیکلوں پر ایکسائز طرز کی سفید رنگ کی نمبر پلیٹیں لگائیں،انھوں نے پولیس کےرنگ(نیلے اور سرخ) کی نمبر پلیٹ اور مونو گرام لگی ہوئی گاڑیوں کیخلاف بھی کارروائی کا حکم دیا تھا تاہم وہ حیرت انگیز طور پر اس پر عملدرآمد کرانے میں بری طرح ناکام ہوگئے، پولیس ذرائع کا کہنا ہے محکمہ پولیس کی جانب سے دی جانے سرکاری موٹر سائیکلوں پر مخصوص نمبر پلیٹ آویزاں ہوتی ہے۔
تاہم محکمہ پولیس میں بھرتی کوئی بھی افسر یا اہلکار اپنے استعمال کے لیے جو بھی موٹر سائیکل خریدے گا اس پر وہ پولیس کے رنگ کی نمبر پلیٹ اور مونو گرام ہرگز استعمال نہیں کر سکتا محکمہ پولیس میں بھرتی افراد پر بھی وہی قانون لاگو ہوتا ہے جو عام شہری پر ہوتا ہے ، پولیس ذرائع کا کہنا ہے کہ سینٹرل پولیس آفس کے عقب میں ریلوے لائن کے قریب موٹر سائیکل پارکنگ میں درجنوں موٹر سائیکلیں ایسی کھڑی ہوتی ہیں جن پر پولیس کے رنگ کی نمبر اور مونو گرام والی نمبر پلیٹیں لگی ہوتی ہیں جو پولیس ترجمان کے اعلان کا مذاق اڑا رہی ہوتی ہیں اور ایسی نمبر پلیٹ لگی ہوئی موٹر سائیکلوں کے خلاف کوئی کارروائی عمل میں نہیں لائی جاتی۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔