- بیرون ملک ملازمت کی آڑ میں انسانی اسمگلنگ گینگ سرغنہ سمیت 4 ملزمان گرفتار
- پاکستان کےمیزائل پروگرام میں معاونت فراہم کرنے کا الزام، امریکا نے4 کمپنیوں پرپابندی لگا دی
- جرائم کی شرح میں اضافہ اور اداروں کی کارکردگی؟
- ضمنی انتخابات میں عوام کی سہولت کیلیے مانیٹرنگ اینڈ کنٹرول سینٹر قائم
- وزیرداخلہ سے ایرانی سفیر کی ملاقات، صدررئیسی کے دورے سے متعلق تبادلہ خیال
- پختونخوا؛ صحت کارڈ پر دوائیں نہ ملنے پر معطل کیے گئے 15 ڈاکٹرز بحال
- لاہور؛ پولیس مقابلے میں 2 ڈاکو مارے گئے، ایک اہل کار شہید دوسرا زخمی
- پختونخوا؛ مسلسل بارشوں کی وجہ سے کئی اضلاع میں 30 اپریل تک طبی ایمرجنسی نافذ
- پختونخوا؛ سرکاری اسکولوں میں کتب کی عدم فراہمی، تعلیمی سرگرمیاں معطل
- موٹر وے پولیس کی کارروائی، کروڑوں روپے مالیت کی منشیات برآمد
- شمالی کوریا کا کروز میزائل لیجانے والے غیرمعمولی طورپربڑے وارہیڈ کا تجربہ
- پاکستان اور نیوزی لینڈ کے درمیان دوسرا ٹی20 آج کھیلا جائے گا
- بابر کو ماضی کی غلطیوں سے سبق سیکھنے کا مشورہ
- موبائل فون صارفین کی تعداد میں 37 لاکھ کی ریکارڈ کمی
- گیلپ پاکستان سروے، 84 فیصد عوام ٹیکس دینے کے حامی
- ایکسپورٹ فیسیلی ٹیشن اسکیم کے غلط استعمال پر 10کروڑ روپے جرمانہ
- معیشت2047 تک 3 ٹریلین ڈالر تک بڑھنے کی صلاحیت رکھتی ہے، وزیر خزانہ
- پٹرولیم ایکسپلوریشن اینڈ پروڈکشن کمپنیوں نے سبسڈی مانگ لی
- پاکستان کی سعودی سرمایہ کاروں کو 14 سے 50 فیصد تک منافع کی یقین دہانی
- مشرق وسطیٰ کی بگڑتی صورتحال، عالمی منڈی میں خام تیل 3 ڈالر بیرل تک مہنگا
پہلی بار کسی بھی مداخلت کے بغیر شفاف ضمنی انتخابات ہوئے، وزیر اعظم
اسلام آباد: وزیر اعظم عمران خان کا کہنا ہے کہ پہلی مرتبہ کسی بھی قسم کی مداخلت کے بغیر مکمل شفاف ضمنی انتخابات ہوئے جس میں حکومت نے کسی بھی قسم کی مداخلت نہیں کی، ضمنی انتخابات میں تحریک انصاف کی شکست کا اندازہ تھا۔
ایکسپریس نیوز کے مطابق وزیر اعظم کی زیر صدارت پارٹی رہنماؤں کا مشاورتی اجلاس منعقد ہوا جس میں ضمنی الیکشن میں تحریک انصاف کی کارکردگی سمیت دیگر امور زیر غور آئے۔ اجلاس میں وزیر اعظم کو بریفنگ کے دوران بتایا گیا کہ ضمنی انتخابات میں بعض نشستوں پر شکست کی وجہ پارٹی کے اندرونی اختلافات تھے جبکہ الیکشن کمیشن کے ضابطہ اخلاق کی پاس داری کرتے ہوئے وزرا نے اپنے پارٹی امیدواروں کی انتخابی مہم میں حصہ لیا اورنہ ہی حکومت نے حلقوں میں ترقیاتی منصوبوں کا اعلان کیا۔
عمران خان نے کہا کہ وفاقی یا صوبائی حکومتوں نے مداخلت نہیں کی اور پہلی بار مکمل شفاف ضمنی انتخاب کا انعقاد ہوا، عوام کو متحرک کرنے والے رہنما وزارتی امور میں مصروف تھے، ضمنی انتخاب میں شکست کا اندازہ تھا، حکومتی امور میں مصروفیت کی وجہ سے عوام کے ساتھ رابطے میں خلا آیا اور اپوزیشن نے خلا کا فائدہ اٹھایا۔
وزیراعظم نے ہدایت دی کہ پارٹی ترجمان میڈیا پر پارٹی کا بیانیہ موثر انداز میں پیش کریں، پارٹی رہنما بیانیہ عوام تک پہنچانے کے لیے مسلسل میڈیا سے رابطے رکھیں، وفاقی وزراء پارٹی رہنمائوں کے لیے بریفنگ عام فہم الفاظ میں سامنے لائیں اور تمام وزارتیں اپنی کارکردگی ویب سائٹس پر اپ ڈیٹ کریں۔
وزیر اعظم سے چینی وزیر کی ملاقات، چین کی زرعی ترقی کے لیے تعاون کی یقین دہانی
اے پی پی کے مطابق وزیر اعظم عمران خان سے چینی کمیونسٹ پارٹی کے بین الاقوامی ترقی کے وزیر سونگ تاؤ نے ملاقات کی۔ وزیر اعظم عمران خان نے چینی وزیر کا خیر مقدم کرتے ہوئے کہا کہ پاکستان اور چین کی دوستی آزمودہ ہے اور پاکستان کے عوام چین سے دوستی کو خصوصی اہمیت دیتے ہیں، چین کے صدر شی جن پنگ کی طرف سے دونوں ممالک کو آئرن برادرز قرار دینا ناقابل تردید حقیقت کی عکاسی کرتا ہے،چینی صدر ایک عظیم سٹیٹس مین ہیں اورپاکستان کے عوام ان کو بہت سراہتے ہیں۔
وزیر اعظم نے پاکستان تحریک انصاف اور کمیونسٹ پارٹی آف چائنہ کے مابین بڑھتے ہوئے تعلقات کو سراہتے ہوئے وفود کے تبادلوں اور تبادلہ خیال کے ذریعے ان تعلقات کو مزید فروغ دینے پر زور دیا۔
وزیر اعظم نے اپنے آئندہ دورہ چین کے حوالے سے کہا کہ وہ چینی قیادت سے ملاقات کے منتظر ہیں، یہ دورہ دوطرفہ اسٹرٹیجک تعاون اور شراکت داری کی اہمیت کا عکاس ہوگا، پاکستان غربت کے خاتمے، کرپشن کے خلاف جنگ اور زرعی ترقی کے لیے چینی تجربات، مہارت اور ٹیکنالوجی سے استفادہ کرنے کا خواہاں ہے۔
چینی وزیر نے پاک چین تعلقات کے لیے چین کی قیادت اور عوام کی وابستگی کی اہمیت کو اجاگرکیا۔ انھوں نے یقین دلایا کہ چین غربت، کرپشن کے خاتمے اور زرعی ترقی کے لیے بھرپور تعاون کرے گا۔ انھوں نے پاکستان کو تمام علاقائی اور عالمی فورمز پر حمایت کی یقین دہانی بھی کرائی۔
بعد ازاں وزیر اعظم سے وزیر اطلاعات چوہدری فواد حسین اور احمد یار ہراج نے وزیر اعظم آفس میں ملاقات کی۔ وزیراعظم عمران خان سے وزیر اعلی بلوچستان جام کمال خان نے بھی ملاقات کی۔ وزیر اعظم عمران خان سے وزیر ریلوے شیخ رشید احمد نے ملاقات کی۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔