- پولر آئس کا پگھلاؤ زمین کی گردش، وقت کی رفتار سست کرنے کا باعث بن رہا ہے، تحقیق
- سندھ میں کتوں کے کاٹنے کی شکایت کیلئے ہیلپ لائن 1093 بحال
- کراچی: ڈکیتی کا جن قابو کرنے کیلیے پولیس کا ایکشن، دو ڈاکو ہلاک اور پانچ زخمی
- کرپٹو کے ارب پتی ‘پوسٹربوائے’ کو صارفین سے 8 ارب ڈالر ہتھیانے پر 25 سال قید
- گٹر میں گرنے والے بچے کی والدہ کا واٹر بورڈ پر 6 کروڑ ہرجانے کا دعویٰ
- کرپٹو کرنسی فراڈ اسکینڈل میں سام بینک مین فرائڈ کو 25 سال قید
- کراچی، تاجر کو قتل کر کے فرار ہونے والی بیوی آشنا سمیت گرفتار
- ججز کے خط کی انکوائری، وفاقی کابینہ کا اجلاس ہفتے کو طلب
- امریکا میں آہنی پل گرنے کا واقعہ، سمندر سے دو لاشیں نکال لی گئیں
- خواجہ سراؤں نے اوباش لڑکوں کے گروہ کے رکن کو پکڑ کر درگت بنادی، ویڈیو وائرل
- پی ٹی آئی نے ججز کے خط پر انکوائری کمیشن کو مسترد کردیا
- عدالتی امور میں ایگزیکٹیو کی مداخلت کسی صورت برداشت نہیں کی جائے گی، فل کورٹ اعلامیہ
- وفاقی حکومت نے کابینہ کی ای سی ایل کمیٹی کی تشکیل نو کردی
- نوڈیرو ہاؤس عارضی طور پر صدرِ مملکت کی سرکاری رہائش گاہ قرار
- یوٹیوبر شیراز کی وزیراعظم شہباز شریف سے ملاقات
- حکومت کا بجلی کی پیداواری کمپنیوں کی نجکاری کا فیصلہ
- بونیر میں مسافر گاڑی کھائی میں گرنے سے ایک ہی خاندان کے 8 افراد جاں بحق
- بجلی 2 روپے 75 پیسے فی یونٹ مہنگی کردی گئی
- انٹربینک اور اوپن مارکیٹ میں ڈالر کی نسبت روپیہ تگڑا
- حکومت نے 2000 کلومیٹر تک استعمال شدہ گاڑیاں درآمد کرنے کی اجازت دیدی
دنیا بھر کے علماء خودکش حملوں کیخلاف فتویٰ دیں، صدر زرداری
مکۃ المکرمہ: صدر آصف زرداری نے کہا ہے کہ مسلم امہ کو درپیش چیلنجوں سے موثرانداز میں نمٹنے کیلیے اتحاد و یکجہتی ناگزیر ہے، شدت پسندی کے خلاف مل کر لڑنا ہوگا، دنیا بھرکے علما کرام خود کش حملوں کیخلاف فتویٰ جاری کریں۔ ان خیالات کا اظہار انھوں نے او آئی سی کے غیرمعمولی سربراہ اجلاس سے خطاب کرتے ہوئے کیا۔ اجلاس کے دوران او آئی سی نے شام کی رکنیت معطل کر دی۔
صدر زرداری نے کہا کشمیر کامسئلہ دیرینہ ہے، اقوام متحدہ کی سلامتی کونسل کی قراردادوں کے مطابق تنازع کشمیرکے منصفانہ اور پرامن حل کیلیے پاکستان کے پختہ عزم کا اعادہ کرتے ہوئے انھوں نے امید ظاہرکی کہ بھارت کے ساتھ پاکستان کے مذاکرات نتیجہ خیزاور بامقصد ہونگے۔ انھوں نے کہا پاکستان افغان قیادت میں اورافغان عوام کے حمایت یافتہ مفاہمتی عمل کا حامی ہے ۔ پاکستان ایک آزاد اور قابل عمل فلسطینی ریاست کی تشکیل کا حامی ہے، انھوں نے شام میں تمام فریقین سے اپیل کی کہ وہ عیدالفطرکے دوران فائربندی کا اعلان کریں۔
انھوں نے کہا کہ میانمار میں مسلمانوں کی بڑی پیمانے پر ہلاکتیں پاکستان کیلیے گہری تشویش کا باعث ہیں۔ انھوں نے او آئی سی کو تجویز کیا کہ وہ سربراہان مملکت و حکومت پرمشتمل خصوصی مشنز کومسلمانوں کو متاثر کرنے والے تنازعات کا شکار علاقوں میں بھجوائے۔ صدر نے دنیا بھرکے علما کرام سے اپیل کی کہ وہ خود کش حملوں کے خلاف فتویٰ جاری کریں اور ان قوتوںکے خلاف بھی جو ایسے حملوں کی حمایت کرتی ہیں۔
علاوہ ازیں او آئی سی کے ہنگامی اجلاس کے اختتام پر جاری اعلامیہ میں کہا گیا کہ شرکاء شام میں پرتشدد کارروائیوں کو فوری طور پر روکے جانے کی ضرورت اور او آئی سی میں شام کی رکنیت معطل کرنے پر متفق ہیں، امریکا نے او آئی سی کے اس اقدام کا خیر مقدم کیا ہے۔ او آئی سی کے جنرل سیکریری احسان اوگلو کا کہنا تھا کہ یہ شامی حکومت کے لیے ایک سخت اور واضح پیغام ہے کہ اسلامی دنیا ایک ایسے نظام کو قبول نہیں کرسکتی جو اپنے ہی لوگوں کی جانیں لے اور ان کے خلاف بھاری ہتھیاروں، جنگی طیاروں اور ٹینکوں کا استعمال کرے۔ ایرانی وزیرخارجہ علی اکبر صالحی نے اس فیصلے کو غیر منصفانہ قرار دیا ہے۔
او آئی سی نے فیصلہ کیا کہ میانمار کے مسلمانوں کے قتل عام کا معاملہ اقوام متحدہ کی جنرل اسمبلی میں اٹھایا جائیگا۔ اجلاس میں عالم اسلام میں جاری فتنہ وفساد اور خون خرابے کی کارروائیوں کی روک تھام ان ملکوں کی ذمے داری قرار دیا گیا۔ دریںاثناء او آئی سی کے بارے میں خصوصی امریکی سفیر بھارتی نژاد راشد حسین نے صدر زرداری سے ملاقات کی۔ بعد ازاں صدر زرداری نے مدینہ منورہ میں روضہ رسول پر حاضری دی اور ملکی سلامتی اور خوشحالی کے لئے دعا کی، نوافل بھی ادا کیے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔